ବଲିଉଡ୍ର ଜଣାଶୁଣା ଅଭିନେତ୍ରୀ ଉର୍ବଶୀ ରଉତେଲାଙ୍କ ସହ ଏକ ଡିନର୍ ଡେଟ୍ରେ ଯାଇ ଫସିଯାଇଛନ୍ତି ଉଇକେଟ୍କିପର୍ ବ୍ୟାଟ୍ସମ୍ୟାନ୍ ଋଷଭ ପନ୍ତ। ଏଥିପାଇଁ ସୋସିଆଲ ମିଡିଆରେ ସେ ଟ୍ରୋଲ୍ ହେବାସହ ତାଙ୍କ ଗର୍ଲଫ୍ରେଣ୍ଡ୍ ଇଶା ନେଗି ମଧ୍ୟ ରାଗିଯାଇଛନ୍ତି। ବାଧ୍ୟ ହୋଇ ଉର୍ବଶୀଙ୍କୁ ହ୍ବାଟସ୍ଆପରୁ ବ୍ଲକ୍ କରିଦେଇଛନ୍ତି ଋଷଭ୍। ପ୍ରଥମେ କ୍ରିକେଟର ହାର୍ଦ୍ଦିକ ପାଣ୍ଡ୍ୟାଙ୍କ ସହ ଉର୍ବଶୀଙ୍କ ନାଁ ଯୋଡାଯାଉଥିଲା। ଗର୍ଲଫ୍ରେଣ୍ଡ୍ ନତାଶାଙ୍କ ସହ ହାର୍ଦ୍ଦିକଙ୍କ ନିର୍ବନ୍ଧ ପରେ ଏହି ଚର୍ଚ୍ଚାରେ ପୁର୍ଣ୍ଣଚ୍ଛେଦ ପଡିଥିଲା। ପରେ ଋଷଭଙ୍କ ସହ ଉର୍ବଶୀଙ୍କ ନାଁ ଯୋଡା ହୋଇଥିଲା। ଉଭୟଙ୍କୁ ମୁମ୍ବାଇର ଏକ ହୋଟେଲ ବିଳମ୍ବିତ ରାତିରେ ଏକଠା ଦେଖିବାକୁ ମିଳିଥିଲା। ପରେ ଦୁହିଁଙ୍କୁ ନେଇ ଚର୍ଚ୍ଚା ଜୋର ଧରିଥିଲା। ଏଥିରେ ରାଗିଯାଇଥିଲେ ଇଶା। ଫଳରେ ହ୍ବାଟ୍ସଆପ୍ରୁ ଉର୍ବଶୀଙ୍କୁ ବ୍ଲକ କରିବାକୁ ବାଧ୍ୟ ଋଷଭ ବାଧ୍ୟ ହୋଇଥିଲେ ବୋଲି କୁହାଯାଉଛି।
