ନ୍ୟୁୟର୍କ,୧୯।୧୦- ଆମେରିକୀୟ ଷ୍ଟାର ଗଲ୍ଫର ମାଟ୍ ଏଭେରୀ ଡ୍ରଗ୍ ପଲିସି ଉଲ୍ଲଂଘନ କରି ୩ ମାସ ବାସନ୍ଦ ହୋଇଛନ୍ତି। ଦୁଇଥର ପିଜିଏ ଟୁର ବିଜେତା ୩୫ ବର୍ଷୀୟ ଏଭେରୀ କାନ୍ନାବିସ୍ ନାମକ ଏକ ଔଷଧ ସେବନ କରି ସେ ଆଚରଣବିଧୀ ଉଲ୍ଲଂଘନ କରିଛନ୍ତି ଓ ଏଥିପାଇଁ ତାଙ୍କୁ ବାସନ୍ଦ କରାଯାଇଛି ବୋଲି ପିଜିଏ ଟୁର ପକ୍ଷରୁ କୁହାଯାଇଛି। ସେ ୨୦୨୦ ଜାନୁୟାରୀ ୭ ତାରିଖରେ ପ୍ରତ୍ୟାବର୍ତ୍ତନ କରିପାରିବେ ବୋଲି କୁହାଯାଇଛି। ମାନସିକ ସ୍ବାସ୍ଥ କାରଣରୁ ଏହି ଔଷଧ ସେବନ କରିଛି ବୋଲି ଏଭେରୀ ସ୍ବୀକାର କରିଛନ୍ତି। ଗତ ୩୦ ବର୍ଷ ହେବ ଚିକିତ୍ସା କରିଆସୁଥିବା ଡାକ୍ତର ମତେ ଏହି ଔଷଧ ସେବନ କରିବାକୁ ପରାମର୍ଶ ଦେଇଥିଲେ। ଏହି ବାସନ୍ଦାଦେଶକୁ ସ୍ବୀକାର କରୁଛି ବୋଲି ବୋଲି ସେ କହିଛନ୍ତି। ଏଭେରୀଙ୍କ ହୋମ୍ ଟାଉନ୍ ଫ୍ଲୋରିଡାରେ କାନାବିସ୍ ବ୍ୟବହାର କରିବାକୁ ଅନୁମତି ଦିଆଯାଛି। ଏବେ ୩ଟି ଟୁର୍ନାମେଣ୍ଟରେ ଅଂଶଗ୍ରହଣ କରିବାରକୁ ବଞ୍ଚିତ ହେବେ। ଉଲ୍ଲେଖଥାଉ କି, ପିଜିଏ ଟୁରରେ ଏଭେରୀ ୨ଥର ଟାଇଟଲ ଜିତିଛନ୍ତି। ୨୦୧୪ ଓ ୧୫ରେ ସେ ଏହି ସଫଳତା ପାଇଥିଲେ। ଗତବର୍ଷ ସେ ଫେଡେକ୍ସକପ୍ ପ୍ଲେଅଫ୍ରେ ପ୍ରବେଶ କରିଥିଲେ।