ହିଲଟନ ହେଡ୍ ଆଇଲାଣ୍ଡ (ୟୁ.ଏସ୍.ଏ)୨୧ା୬: ପାଞ୍ଚ ଥର ପିଜିଏ ଟୁର୍ ବିଜେତା ନିକ୍ ଓ୍ବାଟ୍ନୀ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି। କିଛି ଦିନ ବନ୍ଦ ରହିବା ପରେ ଗତ ସପ୍ତାହରୁ ଗଲ୍ଫ ଖେଳ ପୂରା ଦମ୍ରେ ଆରମ୍ଭ ହେବାପରଠାରୁ କରୋନାରେ ସଂକ୍ରମିତ ହେବାରେ ପ୍ରଥମ ପିଜିଏ ଟୁର୍ ଖେଳାଳି। ଓ୍ବାଟ୍ନୀ ତୁରନ୍ତ ଶୁକ୍ରବାର ଆରବିସି ହେରିଟେଜ୍ରୁ ଓହରିଯାଇଛନ୍ତି। ପିଜିଏ ଟୁର୍ ପ୍ରୋଟୋକଲ୍ ଅନୁସାରେ ସେ ଅତି କମ୍ରେ ୧୦ଦିନ ସେଲ୍ଫ ଆଇସୋଲେଶନରେ ରହିବେ। ଓ୍ବାଟ୍ନୀ ଓପନିଂ ରାଉଣ୍ଡରେ ଭନ୍ ଟେଲର ଓ ଲ୍ୟୁକ୍ ଲିଷ୍ଟ୍ଙ୍କ ସହିତ ଖେଳିଥିଲେ। ଓ୍ବାଟ୍ନୀ ଗତ ସପ୍ତାହରେ ଟେକ୍ସାସ୍ର ଫୋର୍ଟ ଓ୍ବର୍ଥସ୍ଥିତ କଲୋନିଆଲଠାରେ ଅନୁଷ୍ଠିତ ଚାଲ୍ସ ସ୍କ୍ବାବ୍ ଚ୍ୟାଲେଞ୍ଜ୍ରେ କଟ୍ ମିସ୍ କରିଥିଲେ। ସେଠାରୁ ସେ ସାଉଥ୍ କରୋଲିନା ଗସ୍ତ କରିଥିଲେ। ହାରବୋର୍ ଟାଉନ୍ରେ ସେ ପହଞ୍ଚତ୍ବାପରେ ତାଙ୍କର କରୋନା ଭାଇରସ ଟେଷ୍ଟ ହୋଇଥିଲା ଏବଂ ତାହା ନେଗେଟିଭ୍ ଆସିଥିଲା। ଏଠାରେ ପ୍ରତିଯୋଗିତାର ଦ୍ୱିତୀୟ ରାଉଣ୍ଡରେ ଓ୍ବାଟ୍ନୀ ଅସୁସ୍ଥ ଅନୁଭବ କରିଥିଲେ। ତାଙ୍କ ଦେହରେ କରୋନା ଦେଖାଦେବାରୁ ଡାକ୍ତରୀ ପରୀକ୍ଷା କରାଯାଇଥିଲା ଏବଂ ଫଳାଫଳ ପଜିଟିଭ ଆସିଥିଲା।