ବୁଗୁଡ଼ା,୨୯ା୧୦(ଡି.ଏନ.ଏ.)-ବୁଗୁଡ଼ା ସହର ଉପକଣ୍ଠ ବେତାରସିଙ୍ଗରେ ଶୁକ୍ରବାର ବିଳମ୍ବିତ ରାତିରେ ଦାଦାପୁଅ ଭାଇ ନିଲୁ ପାତ୍ର (୧୫)ଙ୍କ ଗଳା ଓ ପେଟରେ ଛୁରି ଭୁସି ବଡ଼ବାପା ପୁଅ ହତ୍ୟା କରିଥିବା ଅଭିଯୋଗ ହୋଇଥିଲା। ଏହି ମାମଲାରେ ସୋମବାର ପୋଲିସ ବଡ଼ବାପା ପୁଅ ଭାଇ ବିନୋଦ ପାତ୍ର(୨୪)ଙ୍କୁ କୋର୍ଟଚାଲାଣ କରିିଛି। ହତ୍ୟାକାଣ୍ଡରେ ବ୍ୟବହୃତ ଛୁରିକୁ ମଧ୍ୟ ପୋଲିସ ଜବତ କରିଛି। ବିନୋଦଙ୍କ ଭାଇ ଟୁନାଙ୍କ ଅଭିଯୋଗ କ୍ରମେ ସ୍ଥାନୀୟ ପୋଲିସ ନଂ. ୨୩୫/୧୯ରେ ଏକ ହତ୍ୟା ମାମଲା ରୁଜୁ କରିଥିଲା ।
ପ୍ରକାଶ ଯେ, ବୁଗୁଡ଼ା ସହର ମାଳିଝୋଳା ମନ୍ଦିର ନିକଟରେ ବିନୋଦଙ୍କ ବାପା ରାମ ପାତ୍ର ତାଙ୍କ ଭାଇ କାହ୍ନୁଙ୍କ ପୁଅ ନିଲୁଙ୍କୁ ଆଣି ରଖିଥିଲେ। ନିଲୁ ଉକ୍ତ ପରିବାରରେ ଘୁଷୁରି ଚରାଇ ତାଙ୍କ ବଡ଼ବାପାଙ୍କୁ ସହଯୋଗ କରୁଥିଲେ। ଏଥିପାଇଁ ବିନୋଦଙ୍କ ବାପା ମା’ ନିଲୁଙ୍କୁ ବହୁତ ଭଲ ପାଉଥିଲେ। କିନ୍ତୁ ବିନୋଦ ନିଲୁଙ୍କ ପ୍ରତି ଈର୍ଷା କରୁଥିଲେ। ଗତ ଶୁକ୍ରବାର ରାତିରେ ବିନୋଦ ରାଗିଯାଇ ନିଲୁଙ୍କୁ ଛୁରିରେ ଭୁସିବା ସହ ଗଳାକାଟି ହତ୍ୟା କରିଥିଲେ। ପରେ ମୃତଦେହକୁ ମନ୍ଦିର ପଛପଟ ଏକ ବୁଦାରେ ଫିଙ୍ଗି ଦେଇ ଛୁରିକୁ ଲୁଚାଇ ରଖିଥିଲେ। ଶନିବାର ଆଇଆଇସି ସିତାଂଶୁ ଶେଖର ମାନ୍ଧାତା ସଦଳବଳ ପହଞ୍ଚତ୍ ମୃତଦେହକୁ ଜବତ କରିବା ସହ ବିନୋଦଙ୍କୁ ଅଟକ ରଖି ପଚରାଉଚରା କରିଥିଲେ। ବିନୋଦ ନିଲୁଙ୍କୁ ଛୁରିରେ ହତ୍ୟା କରିଥିବା ବିଷୟ ଥାନାଧିକାରୀଙ୍କ ଆଗରେ ସ୍ବୀକାର କରିଥିଲେ।