ଭଦ୍ରକ ଅଫିସ,୧ା୬: ରବିବାର ରାତିରେ ଚୋରା ଚାଲାଣ ସନ୍ଦେହରେ ଗହମ ବୋଝେଇ ପିକ୍ଅପ୍ ଜବତ କରିଛି ଭଦ୍ରକ ଜିଲା ଧାମନଗର ପୋଲିସ। ପିକ୍ଅପ୍ଟି ୪୨ବସ୍ତା ଗହମ ନେଇ ଦୋବଲ ଅଭିମୁଖେ ଯାଉଥିବା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ଧାମନଗର ଛକ ନିକଟରେ ପୋଲିସ ଅଟକ ରଖିଥିଲା। ପରେ ଗହମ କେଉଁଠୁ ଆସିଲା ସେ ନେଇ ତଦନ୍ତ ଆରମ୍ଭ କରିଛି ପୋଲିସ। ଥାନାଧିକାରୀ ରତିକାନ୍ତ ଗିରିଙ୍କ ସୂଚନାନୁଯାୟୀ, ଧାମନଗର ସିଡିପିଓ ଓ ଯୋଗାଣ ବିଭାଗର ଅଧିକାରୀମାନେ ଯାଇ ଗହମର ଯାଞ୍ଚ କରିଛନ୍ତି। ଗହମ ସାଧାରଣ ବଣ୍ଟନ ବ୍ୟବସ୍ଥା କିମ୍ବା ଅନ୍ୟ କେଉଁ ଉଦ୍ଦେଶ୍ୟରେ ଚାଲାଣ ହେଉଥିଲା ସେ ନେଇ ତଦନ୍ତ ଆରମ୍ଭ ହୋଇଛି। ପିକ୍ଅପ୍ର ଡ୍ରାଇଭର ମଧ୍ୟ ଥାନାରେ ଅଟକ ଥିବା ସୂଚନା ମିଳିଛି।