ଫୁଲବାଣୀ ଅଫିସ, ୨ା୭-କନ୍ଧମାଳ ଜିଲା ଦାରିଙ୍ଗିବାଡି ବ୍ଲକରେ ଦୁଇ ଦିନ ତଳେ ଖଟିଆରେ ମୃତଦେହ ବୁହାଯିବା ଘଟଣା ପରେ ଜିଲା ପ୍ରଶାସନର ଚେତା ପଶିଛି ା ସୋମବାର ଜିଲା ସ୍ବାସ୍ଥ୍ୟ ବିଭାଗ ଡାକ୍ତରଖାନାରୁ ମୃତଦେହ ନେବା ପାଇଁ ଗାଇଡଲାଇନ ଜାରି କରିଛି ା ଜିଲା ମୁଖ୍ୟ ଚିକିତ୍ସାଧିକାରୀ ଗତ ୨୯ରେ ପତ୍ର ସଂଖ୍ୟା ୭୫୪୨ରେ ସମସ୍ତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର, ପ୍ରାଥମିକ ସ୍ବାସ୍ଥ୍ୟକେନ୍ଦ୍ର, ଉପଖଣ୍ଡ ଡାକ୍ତରଖାନା ଓ ଜିଲା ମୁଖ୍ୟ ଡାକ୍ତରଖାନାର ଦାୟିତ୍ୱରେ ଥିବା ଅଧିକାରୀମାନଙ୍କୁ ଏ ସମ୍ପର୍କରେ ବିସ୍ତୃତ ସୂଚନା ଦେଇଛନ୍ତି। ଯଦି କୌଣସିି ରୋଗୀଙ୍କର ଜିଲା ମୁଖ୍ୟ ଡାକ୍ତରଖାନା କିମ୍ବା ବାଲିଗୁଡା ଉପଖଣ୍ଡ ଡାକ୍ତରଖାନାରେ ମୃତ୍ୟୁ ଘଟେ, ତାହାଲେ ମୃତଦେହକୁ ଫୁଲବାଣୀ ପୌର ପରିଷଦ କିମ୍ବା ବାଲିଗୁଡା ଏନଏସି କାର୍ଯ୍ୟାଳୟରେ ଥିବା ମହାପ୍ରାୟାଣ ଗାଡି ଜିଲା ଭିତରେ ମୃତକଙ୍କ ଘର ପର୍ଯ୍ୟନ୍ତ ନେବ। ଏଥିପାଇଁ ଧାର୍ଯ୍ୟ ମୁତାବକ ଅର୍ଥ ଦେବାକୁ ହେବ। ଯଦି ମୃତକଙ୍କ ପରିବାର ଲୋକେ ଅର୍ଥ ଦେବାକୁ ଅସମର୍ଥ ଥିବେ ତେବେ ତାଙ୍କ ସମ୍ପର୍କୀୟଙ୍କ ଅନୁରୋଧକ୍ରମେ ଏବଂ ଡାକ୍ତରଖାନା ଅଧୀକ୍ଷକ ଯଦି ଉଚିତ ମଣିବେ ତେବେ ମୃତଦେହକୁ ମହାପ୍ରାୟାଣ ଗାଡିରେ ମାଗଣାରେ ପଠାଯିବ ା ଏହି ଧାର୍ଯ୍ୟ ଅର୍ଥ ରେଡକ୍ରସ ଫଣ୍ଡରୁ ବହନ କରାଯିବ ା ଯଦି ମୃତଙ୍କ ସମ୍ପର୍କୀୟ ନିଜ ଦାୟିତ୍ୱରେ ମୃତଦେହ ନେବାକୁ ଚାହିଁବେ ତେବେ କେବଳ ୩ କିମ୍ବା ୪ ଚକିଆ ଗାଡିରେ ନେବା ପାଇଁ ଅଣ୍ଡରଟେକିଂ ଲେଖି ଛଡାଯିବା ଏ ସମସ୍ତ ଏକ ରେଜିଷ୍ଟରରେ ଲିପିବଦ୍ଧ ରହିବ ା ସେହିପରି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ କିମ୍ବା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ କୌଣସି ରୋଗୀଙ୍କର ମୃତ୍ୟୁ ହୁଏ ଏବଂ ମୃତ ବ୍ୟକ୍ତିଙ୍କ ସମ୍ପର୍କୀୟ ମୃତଦେହକୁ ନେବାକୁ ଚାହିଁିବେ ତେବେ ୩ କିମ୍ବା ୪ ଚକିଆ ଗାଡିରେ ନେବା ପାଇଁ ଅଣ୍ଡର ଟେକିଂ ଲେଖିଦେଇ ନେବେ। ଯଦି ଆର୍ଥିକ କାରଣରୁ ଶବ ନେବାକୁ ଅସମର୍ଥ ଥିବେ ତେବେ ସମ୍ପର୍କୀୟଙ୍କ ଅନୁରୋଧ କ୍ରମେ ବିଡିଓଙ୍କୁ ଜଣାଇବୋ ବିଡିଓ ସ୍ଥାନୀୟ ଥାନାଧିକାରୀ କିମ୍ବା ଦାୟିତ୍ୱରେ ଥିବା ଅଧିକାରୀଙ୍କ ସହଯୋଗରେ ମୃତଦେହକୁ ପଠାଇବା ବ୍ୟବସ୍ଥା କରିବେ ା ଏଥିପାଇଁ ଯାହା ଖର୍ଚ୍ଚ ହୋଇଥିବ ତାହା ରୋଗୀ କଲ୍ୟାଣ ସମିତିରୁ ଭରଣା କରାଯିବ ା ଏନେଇ ସମ୍ପୃକ୍ତ ସ୍ବାସ୍ଥ୍ୟକେନ୍ଦ୍ରର ଦାୟିତ୍ୱରେ ଥିବା ଡାକ୍ତର ସେମାନଙ୍କ ଅଧିକାରୀ ଓ କର୍ମଚାରୀଙ୍କୁ ଘଟଣା ନେଇ ସଚେତନ କରାଇବୋ ଏଥିରେ ଯଦି କେଉଁଠି ଖିଲାପ ହୁଏ ତେବେ ସମ୍ପୃକ୍ତ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଦାୟୀ ରହିବେ
ବୋଲି ଗାଇଡ ଲାଇନରେ ଉଲ୍ଲେଖ ରହିଛି ା