ନୂଆଦିଲ୍ଲୀ,୩।୭: ଏବେ ଗୋଟିଏ ଗାଈ ଫୁଟବଲ ଖେଳୁଥିବାର ଭିଡ଼ିଓ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ପଡ଼ିଆରେ କିଛି ପିଲା ଫୁଟବଲ ଖେଳୁଥିବାର ଦୃଶ୍ୟ ଭିଡ଼ିଓରେ ରହିଛି। ସେମାନଙ୍କ ପାଖରେ ଛିଡ଼ା ହୋଇଥିବା ଗାଈଟି ଫୁଟବଲକୁ ଗୋଡ଼ରେ ଲାତ ମାରିବା ସହିତ ଜଣେ ପୋଖତ ଖେଳୁଆଡ଼ ଭଳି ଖେଳୁ ଥିବା ଦୃଶ୍ୟ ସୋସିଆଲ୍ ମିଡ଼ିଆ ୟୁଜରଙ୍କୁ ବେଶ୍ ଆନନ୍ଦିତ କରିଛି। ୨ ମିନିଟ୍ ୧୨ ସେକେଣ୍ଡର ଏହି ଭିଡ଼ିଓ ଦେଖି କ୍ରିକେଟ କମେଣ୍ଟେଟର ହର୍ଷ ଭୋଗ୍ଲେ ଟୁଇଟ୍ କରିଛନ୍ତି ଯେ, ପୃଥିବୀର ଶ୍ରେଷ୍ଠ ଫୁଟବଲ ଖେଳାଳି ମଧ୍ୟ ଏହି ଗାଈର ଖେଳ ସାମ୍ନାରେ ହାର ମାନିଯିବେ।