ସୋହେଲା, ୬ା୫(ଡି.ଏନ.ଏ.)-ବୌଦ୍ଧ, ସୋନପୁର, କଣ୍ଟାମାଳର ୧୨ଜଣ ଶ୍ରମିକ ଉତ୍ତର ପ୍ରଦେଶର ସିକନ୍ଦରାବାଦକୁ କାମ କରିବାକୁ ଯାଇଥିଲେ। ସେମାନେ ଏକ ଟ୍ରକ ଉପରେ ମଙ୍ଗଳବାର ଘରକୁ ଫେରୁଥିଲେ। ଫେରିବା ବାଟରେ ସୋହେଲା ନିକଟ ଲୁହୁରାଚଟିରେ ଗ୍ରାମ୍ୟ ଉନ୍ନୟନ ଓ ଶ୍ରମମନ୍ତ୍ରୀ ସୁଶାନ୍ତ ସିଂ ସେମାନଙ୍କୁ ଭେଟିଥିଲେ । ମନ୍ତ୍ରୀ ସେମାନଙ୍କ ପାଇଁ ଖାଇବା, ପିଇବା ବ୍ୟବସ୍ଥା କରିଥିଲେ । ଏହା ସହିତ ଏକ ପିକ୍ଅପ୍ ଭ୍ୟାନରେ ନିଜେ ଗାଡ଼ି ଚଲାଇ ମନ୍ତ୍ରୀ ସିଂ ସେମାନଙ୍କୁ ସେମାନଙ୍କ ଘରକୁ ଛାଡ଼ିବାକୁ ଯାଇଥିଲେ । ପ୍ରବାସୀ ଶ୍ରମିକଙ୍କ ପ୍ରତି ମନ୍ତ୍ରୀଙ୍କ ଏଭଳି ବଦାନ୍ୟତା ଏଠାରେ ଚର୍ଚ୍ଚାର ବିଷୟ ହୋଇଛି ।