ଭାଗଲପୁର: ସେପ୍ଟେମ୍ବର୧ ରୁ ମୋଟର ଯାନ ଅଧିନିୟମ ଲାଗୁ ହେବା ପରେ ବିହାର ଭାଗଲପୁର ସହରରେ ସବୁଠାରୁ ବେଶୀ ଜରିମାନା ୧୫ ବର୍ଷ ବୟସ୍କ ଜଣେ ଛାତ୍ରଙ୍କ ଉପରେ ଲଗାଯାଇଛି। ଚାଣକ୍ୟ ବିହାର କଲୋନୀରେ ରହୁଥିବା ଏହି ଛାତ୍ର ତାଙ୍କ ସାଙ୍ଗଙ୍କ ସହ ଏକ ସ୍କୁଟିରେ କୋଚିଂ ସେଣ୍ଟରକୁ ଯାଉଥିବାବେଳେ ହେଲମେଟ୍ ପିନ୍ଧିନଥିଲେ। ତାଙ୍କୁ ଏଥିପାଇଁ ପୋଲିସ ଧରିଥିଲା। ତାଙ୍କ ସହ ଯାଉଥିବା ସାଙ୍ଗ ହାତରୁ ସେ ହେଲମେଟ ଆଣି ପିନ୍ଧି ପକାଇଥିଲେ ବି ପୋଲିସ ନଜରରୁ ଖସିଯାଇପାରିନଥିଲେ। ତାଙ୍କ ପାଖରେ ଗାଡ଼ିର କାଗଜ ପତ୍ର ମଧ୍ୟ ନଥିଲା। ଯେହେତୁ ସେ ନାବାଳକ ଏଥିପାଇଁ ତାଙ୍କୁ ୪୨ ହଜାର ଜରିମାନ କରାଯାଇଛି। ଏହା ତାଙ୍କ ମାତା-ପିତାଙ୍କଠାରୁ ଆଦାୟ କରାଯିବ। ଛାତ୍ରଙ୍କ ପିତା ପ୍ରତିରକ୍ଷା ବିଭାଗରେ କାମକରନ୍ତି ଓ ସେ ସେଠାରେ ଉପସ୍ଥିତ ହୋଇପାରିବେ ନାହିଁ ବୋଲି ଛାତ୍ର ଜଣକ ପୋଲିସକୁ କହିବାରୁ ତାଙ୍କର ଦାଦା ସେଠାରେ ପହଞ୍ଚିଥିଲେ , କିନ୍ତୁ ଜରିମାନା ଟଙ୍କା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । କଥା ହେଉଛି ସେ ନିକଟରେ ସ୍କୁଟିକୁ ୫୬ ହଜାର ଟଙ୍କା ଦେଇ କିଣିଥିଲେ।