ଖଲ୍ଲିକୋଟ,୭ା୧୧(ଡି.ଏନ୍.ଏ.) -ଖଲ୍ଲିକୋଟ ବ୍ଲକ କେଶପୁର ବଜାର ଫାୟାର ଷ୍ଟେଶନ ନିକଟରେ ବୁଧବାର ଅପରାହ୍ନରେ ଗାଡ଼ି ଧକ୍କାରେ ଜଣେ ସ୍କୁଲ ଛାତ୍ରୀ ଆହତ ହୋଇଛନ୍ତି। ପ୍ରତିବାଦରେ ଲୋକେ ରାସ୍ତା ଅବରୋଧ କରିଥିଲେ।
ଯେ, କେଶପୁର ଓଡ଼ିଆର୍ପି କଲୋନୀର ମହାଲକ୍ଷ୍ମୀ ସେଠୀ(୧୦) ସ୍କୁଲରୁ ଫେରୁଥିବାବେଳେ ଦମକଳ କେନ୍ଦ୍ର ନିକଟରେ ଅଜଣା ଗାଡ଼ି ଧକ୍କାଦେବାରୁ ଆହତ ହୋଇଥିଲେ। ତାଙ୍କୁ ଉଦ୍ଧାର କରି ବ୍ରହ୍ମପୁର ପଠାଯାଇଥିଲା। ବାରମ୍ବାର ଉକ୍ତ ସ୍ଥାନରେ ଦୁର୍ଘଟଣା ଘଟୁଥିବାବେଳେ ପ୍ରଶାସନ କୌଣସି ପ୍ରତିକାର ବ୍ୟବସ୍ଥା କରୁନାହିଁ। ଏହାର ପ୍ରତିବାଦରେ ଓଡିଆରପି କଲୋନୀ ବାସିନ୍ଦା ଦୁଇ ଘଣ୍ଟାରୁ ଅଧିକ ସମୟ ୧୬ନଂ. ଜାତୀୟ ରାଜପଥ ଅବରୋଧ କରିଥିଲେ। ସେମାନଙ୍କ ଦାବି ଥିଲା ସରକାରଙ୍କ ପକ୍ଷରୁ ଓଡିଆର୍ପି ଘର ପ୍ରଦାନ କରାଯାଇଥିଲେ ସୁଦ୍ଧା ସ୍କୁଲ, ଅଙ୍ଗନୱାଡ଼ି କେନ୍ଦ୍ର, ପାନୀୟ ଜଳ ଯୋଗାଣ ଆଦି ସୁବିଧା ନଥିବାରୁ କଲୋନୀ ଲୋକେ ରାଜପଥ ଅତିକ୍ରମ କରିବାକୁ ପଡ଼ୁଛି। ଫଳରେ ବିଭିନ୍ନ ସମସ୍ୟା ସହ ବହୁ ସମୟରେ ଦୁର୍ଘଟଣା ଘଟୁଛି। ଖଲ୍ଲିକୋଟ ତହସିଲଦାର ଚିତ୍ତରଞ୍ଜନ ମହାନ୍ତ, ଆଇଆଇସି ସତ୍ୟ ରଞ୍ଜନ ପ୍ରଧାନ ପ୍ରମୁଖ ପହଞ୍ଚତ୍ ଲୋକଙ୍କୁ ବୁଝାଶୁଝା ପରେ ରାସ୍ତାରୋକୋ ହଟିଥିଲା। ବିଧାୟକ ପ୍ରତିନିଧି ଦଇତାରୀ ବେହେରା, ବାବୁ ବେହେରା ପ୍ରମୁଖ ଉପସ୍ଥିତ ରହି ଆନ୍ଦୋଳନରତ ଜନସାଧାରଣଙ୍କୁ ବୁଝାଇଥିଲେ।