ବେଗୁନିଆପଡ଼ା,୧୨ା୪(ଡି.ଏନ୍.ଏ.): ବର୍ତ୍ତମାନ ପୋଲିସ ସାଇରନ ଲୋକଙ୍କ ମନରେ ଛନକା ସୃଷ୍ଟି କରିଛି। ଏହି ସାଇରନ୍ ଶୁଣି କନ୍ଧମାଳ ଜିଲା ବେଗୁନିଆପଡ଼ା ଫାଣ୍ଡି ଅନ୍ତର୍ଗତ ଖଣ୍ଡିଆନଈ ପଞ୍ଚାୟତର ତିରିଡ଼ା ଗ୍ରାମରେ ରବିବାର ଜଣଙ୍କର ମୃତ୍ୟୁ ଘଟିଛି।
ପ୍ରାପ୍ତ ସୂଚନାନୁଯାୟୀ, ଉକ୍ତ ଗ୍ରାମର କୃଷ୍ଣ ବେହେରା ରବିବାର ଅପରାହ୍ନରେ ଘରଠାରୁ କିଛି ଦୂରରେ ବସିଥିଲେ। ଠିକ୍ ଏହି ସମୟରେ ସାହି ଦେଇ ଏକ ଆମ୍ବୁଲାନ୍ସ ସାଇରନ୍ ଦେଇ ଯିବା ବେଳେ ପୋଲିସ ଗାଡ଼ି ଆସୁଥିବା ଭାବି ସେ ଘରକୁ ଦୌଡ଼ି ଯାଇଥିଲେ। ଫଳରେ ଏକ ପାଣି ବୋତଲ ଉପରେ ତାଙ୍କର ଗୋଡ଼ ପଡ଼ିଯିବା ସହ ସେ ତଳେ ପଡ଼ିଯାଇଥିଲେ। ସଙ୍ଗେ ସଙ୍ଗେ ତାଙ୍କୁ ଖଲ୍ଲିକୋଟ ମେଡିକାଲକୁ ନିଆଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। କୃଷ୍ଣ ହୃଦରୋଗୀ ଥିଲେ ବୋଲି ଜଣାପଡ଼ିଛି।