ବେଗୁନିଆପଡା,୧୨ା୪(ଡି.ଏନ୍.ଏ.)- ବେଗୁନିଆପଡ଼ା ଫାଣ୍ଡି ଖଣ୍ଡିଆନଇ ପଞ୍ଚାୟତର ତିରିଡା ଗ୍ରାମରେ ଗାଡି ସାଇରନ୍ ଶୁଣି ପୋଲିସ ଆସୁଥିବା ଭାବି ଧାଇଁବାବେଳେ ପଡିଯାଇ ଜଣଙ୍କର ମୃତ୍ୟୁ ଘଟିଛି l ସେ ହେଲେ ଉକ୍ତ ଗ୍ରାମର କୃଷ୍ଣ ବେହେରା (୫୧)। କୃଷ୍ଣ ଶନିବାର ଅପରାହ୍ନରେ ଘରଠାରୁ କିଛି ଦୂରରେ ବସିଥିବାବେଳେ ଏକ ଆମ୍ବୁଲାନ୍ସ ସାଇରନ୍ ଦେଇ ଅତିକ୍ରମ କରିଥିଲା। ପିସିଆର୍ ଆସୁଛି ଭାବି ଦୌଡି ଘରକୁ ପଶିଯିବାପରେ ସେଠାରେ ପଡିଯାଇ ତାଙ୍କର ମୃତ୍ୟୁ ଘଟିଥିଲା। ପ୍ରକାଶ ଥାଉକି ମୃତ କୃଷ୍ଣ ଜଣେ ହୃଦ୍ରୋଗୀ।