ଶୋସିଆଲ ମିଡିଆରେ ଏକ ଏନ୍ଗେଜ୍ମେଣ୍ଟ ରିଙ୍ଗ୍ ଭାଇରାଲ ହୋଇଛି। ଏହି ରିଙ୍ଗ୍ ଦେଖିଲେ ଯେ କେହି ଆଶ୍ଚର୍ଯ୍ୟ ହୋଇଯିବା ସହ ଘୃଣା ବି କରିବ। ଏହି ରିଙ୍ଗ୍ ବା ମୁଦି କୌଣସି ସୁନା କିମ୍ବା ରୁପାରେ ନୁହେଁ, ମୁଣ୍ଡ କେଶରେ ତିଆରି ହୋଇଛି। ଏହି ଫଟୋକୁ ଶେୟାର କରିଥିବା ମହିଳାଙ୍କ ପରିଚୟ ମିଳୁନାହିଁ। କିନ୍ତୁ ଶୋସିଆଲ ମିଡିଆରେ କେହି ଜଣେ ଯୁବକ ଏହାର ସ୍କ୍ରିନ୍ସଟ୍ କରି ଫେସ୍ବୁକ୍ରେ ଶେୟାର କରିଛନ୍ତି। ଶେୟାର ହୋଇଥିବା ଏହି ଫଟୋରେ ମହିଳା ଜଣକ କ୍ୟାପଶନ ବି ଲେଖିଛନ୍ତି, ମୋ’ ‘ବୟଫ୍ରେଣ୍ଡ ଏବେ ଭାବିସ୍ବାମୀ’। ଆହୁରି ମଧ୍ୟ ମହିଳା ଜଣକ ଲେଖିଛନ୍ତି, ଏହି ମୁଦି ପିନ୍ଧାଇ ମୋ’ ବୟଫ୍ରେଣ୍ଡ ବିବାହ ପ୍ରପୋଜ କରିଛନ୍ତି। ଫେସ୍ବୁକ୍ରେ ଫଟୋ ଏହି ଦେଖି ଲୋକେ ବିଭିନ୍ନ କମେଣ୍ଟ ମଧ୍ୟ ଦେଇଛନ୍ତି। ଜଣେ ୟୁଜର ଲେଖିଛନ୍ତି ଏପରି ମୁଦି ଦେଖି ଘୃଣା ଲାଗୁଛି। ଆଉ ଜଣେ ଲେଖିଛନ୍ତି ବୟଫ୍ରେଣ୍ଡଙ୍କ ପ୍ରୟାସ ଖୁବ୍ ଭଲ। ଏଭଳି ଅନେକ କମେଣ୍ଟ ଦେଖିବାକୁ ମିଳିଛି।