ମୁମ୍ବାଇ: ବଲିଉଡ୍ର ଭାଇଜାନ୍ ସଲମାନ୍ ଖାଁ ଡିସେମ୍ବର ୨୭ ଅର୍ଥାତ ଶୁକ୍ରବାର ଦ୍ୱିତୀୟ ଥର ମାମୁ ହୋଇଛନ୍ତି। ଭାଇଜାନ୍ ତାଙ୍କ ଜନ୍ମଦିନରେ ହିଁ ଏହି ସୌଭାଗ୍ୟ ପୁଣି ଥରେ ଅର୍ଜନ କରିଛନ୍ତି। ସେ ତାଙ୍କ ଗାର୍ଲଫ୍ରେଣ୍ଡ ୟୁଲିଆ ବନ୍ତୁରଙ୍କ ସହିତ ଭାଣିଜୀକୁ ଦେଖିବା ପାଇଁ ମୁମ୍ବାଇସ୍ଥିତ ହିନ୍ଦୁଜା ହସ୍ପିଟାଲରେ ପହଞ୍ଚିଛନ୍ତି। ହସ୍ପିଟାଲରେ ପହଞ୍ଚି କହିଛନ୍ତି, ଆମ ପରିବାରକୁ ନୂଆ ସଦସ୍ୟ ଆସିଲା।
ସଲମାନ୍ ଟୁଇଟର୍ ଜରିଆରେ ପ୍ରଶଂସକମାନଙ୍କୁ ଜଣାଇଛନ୍ତି, ସେ ଦ୍ୱିତୀୟ ଥର ମାମୁ ହୋଇଗଲେ। ସେ ଲେଖିଛନ୍ତି, ଏହି ସୁନ୍ଦର ଦୁନିଆରେ ତୁମକୁ ସ୍ବାଗତ ଆୟତ୍। ମୋ ଜନ୍ମଦିନରେ ଅର୍ପିତା ଏବଂ ଆୟୁଷ ଏତେ ବଢ଼ିଆ ଉପହାର ଦେଇଥିବାରୁ ଧନ୍ୟବାଦ। ସେ କହିଛନ୍ତି, ତାଙ୍କ ବାପା ସଲିମ୍ ଭାଣିଜୀର ନାଁ ଆୟତ ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି, ତାଙ୍କର ଯଦି ଝିଅ ହୁଏ ସେ ବି ତା’ ନାଁ ଆୟତ୍ ରଖିବେ।