ଶ୍ରୀନଗର,୧୩ା୧: ହିଜବୁଲ ମୁଜାହିଦ୍ଦିନ ଓ ଲଶ୍କର-ଇ-ତୋଇବା ଆତଙ୍କବାଦୀଙ୍କ ସହ ଧରାପଡିଥିବା ଜମ୍ମୁ-କଶ୍ମୀରର ଡିଏସ୍ପି ଦେବୀନ୍ଦର ସିଂଙ୍କୁ ଗିରଫ କରାଯାଇଛି। ସେ ପୂର୍ବରୁ ସ୍ପେଶାଲ ଅପରେଶନ ଗ୍ରୁପ୍ରେ ସାମିଲ ଥିଲେ ଓ ସାହସିକତା ପାଇଁ ଗତବର୍ଷ ସ୍ବାଧୀନତା ଦିବସରେ ରାଷ୍ଟ୍ରପତି ପଦକ ପାଇଥିଲେ। ଆତଙ୍କବାଦୀଙ୍କ ସହ ଗୋଟିଏ କାର୍ରେ ଯାତ୍ରା କରୁଥିବାବେଳେ ସେ ଧରାପଡ଼ିଥିଲେ। ଏହା ଏକ ଗୁରୁତର ଅପରାଧ। ଡିଏସ୍ପି ସିଂଙ୍କୁ ଜଣେ ଆତଙ୍କବାଦୀ ଭଳି ବ୍ୟବହାର ପ୍ରଦର୍ଶନ କରାଯିବା ସହ ସବୁ ସୁରକ୍ଷା ସଂସ୍ଥା ମିଳିତ ଭାବେ ତାଙ୍କୁ ଜେରା କରିବେ ବୋଲି କଶ୍ମୀର ପୋଲିସ ଆଇଜି ବିଜୟ କୁମାର କହିଛନ୍ତି।