ପାଟନା,୬।୧: ଜନ ସୁରଜ ପାର୍ଟିର ପ୍ରତିଷ୍ଠାତା ପ୍ରଶାନ୍ତ କିଶୋରଙ୍କୁ ପୋଲିସ ଗିରଫ କରିଛି। ପାଟନା ଜିଲା ପ୍ରଶାସନ ପକ୍ଷରୁ ଏହି ସୂଚନା ଦିଆଯାଇଛି। ତାଙ୍କୁ ଗିରଫ କରିବା ପୂର୍ବରୁ ପୋଲିସ ତାଙ୍କୁ ଅଟକ ରଖିଥିଲା।ଗିରଫ କରିବା ପୂର୍ବରୁ ପୋଲିସ ତାଙ୍କୁ ଅଟକ ରଖିଥିଲା। ସେ ଗାନ୍ଧୀ ମଇଦାନରେ ବାପୁ ମୂର୍ତ୍ତି ତଳେ ଆମରଣ ଅନଶନରେ ବସିଥିଲେ। ସୋମବାର (ଜାନୁୟାରୀ ୬, ୨୦୨୫) ସକାଳ ପ୍ରାୟ ୪ଟା ସମୟରେ ପୋଲିସ ପହଞ୍ଚି ପ୍ରଶାନ୍ତ କିଶୋରଙ୍କୁ ଏମ୍ସକୁ ନେଇଥିଲା। କିଛି ସମୟ ପରେ ପୋଲଇସ ସେଠାରୁ ପି.କେଙ୍କୁ ନେଇ ନୌବତପୁର ଆଡକୁ ଗଲା। ବର୍ତ୍ତମାନ ସୂଚନା ଦିଆଯାଇଛି ଯେ ପ୍ରଶାନ୍ତ କିଶୋର ଏବଂ କିଛି ସମର୍ଥକଙ୍କୁ ଗିରଫ କରାଯାଇଛି।
ଜିଲା ପ୍ରଶାସନ ପକ୍ଷରୁ କୁହାଯାଇଛି, ଜନ ସୁରଜ ପାର୍ଟିର ପ୍ରଶାନ୍ତ କିଶୋର ଏବଂ ଅନ୍ୟ କେତେକ ସେମାନଙ୍କ ପାଞ୍ଚ ସୂତ୍ରି ଦାବି ଉପରେ ସୀମିତ ଅଞ୍ଚଳରେ ଗାନ୍ଧୀ ମଇଦାନର ଗାନ୍ଧୀ ପ୍ରତିମୂର୍ତ୍ତି ସମ୍ମୁଖରେ ବେଆଇନ ବିରୋଧ ପ୍ରଦର୍ଶନ କରିଥିଲେ। ପ୍ରତିବାଦ ପାଇଁ ନିର୍ଦ୍ଧିଷ୍ଟ ସ୍ଥାନ ଗର୍ଦନିବାଗକୁ ଯିବା ପାଇଁ ନୋଟିସ ଜାରି କରାଯାଇଥିଲା, ସୀମିତ ଅଞ୍ଚଳରେ ବେଆଇନ ବିରୋଧ ଯୋଗୁଁ ଗାନ୍ଧୀ ମଇଦାନ ପୋଲିସ ଷ୍ଟେଶନରେ ଏକ ଏଫଆଇଆର କରାଯାଇଥିଲା।
ଏହା ମଧ୍ୟ କୁହାଯାଇଥିଲା, ବାରମ୍ବାର ଅନୁରୋଧ ଏବଂ ପର୍ଯ୍ୟାପ୍ତ ସମୟ ସତ୍ତ୍ୱେ ସାଇଟ ଖାଲି ହୋଇନଥିଲା। ତେଣୁ ସୋମବାର ତାଙ୍କୁ କେତେଜଣ ସମର୍ଥକଙ୍କ ସହ ଗିରଫ କରାଯାଇଛି। ସେମାନେ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ପ୍ରକ୍ରିୟା ଅନୁଯାୟୀ କାର୍ଯ୍ୟାନୁଷ୍ଠାନ ହେଉଛି ଏହାକୁ କୋର୍ଟରେ ଉପସ୍ଥାପନ କରିବାକୁ ନିଆଯାଉଛି।
ଅନ୍ୟପକ୍ଷରେ ପାଟନା ଡିଏମ ଚନ୍ଦ୍ରଶେଖର ସିଂ କହିଛନ୍ତି ଯେ ପ୍ରଶାନ୍ତ କିଶୋରଙ୍କୁ ଏକ ସୁରକ୍ଷିତ ସ୍ଥାନରେ ରଖାଯାଇଛି। ଏହା ପରେ ତାଙ୍କୁ ସକାଳ ୧୦ଟାରେ କୋର୍ଟରେ ହାଜର କରାଯିବ। କୁହାଯାଇଥିଲା ଯେ ପ୍ରଶାନ୍ତ କିଶୋରଙ୍କୁ ଏମ୍ସ ରେ ପରୀକ୍ଷା କରାଯାଇଥିଲା। ସେ ସୁସ୍ଥ ଥିବା ଜଣାପଡିଛି। ତେବେ ତାଙ୍କୁ କେଉଁଠାରେ ରଖାଯାଇଛି ସେ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ। ପିକେଙ୍କ ସହିତ ଏମ୍ସ ଛାଡିବା ପରେ ପୋଲିସ ନୌବତପୁର ଅଭିମୁଖେ ଯାଇଥିଲା ।
