ଖଇରା, ୧୫।୪(ଡି.ଏନ.ଏ.)-ଲକ୍ଡାଉନ ସମୟରେ ବାଲେଶ୍ୱର ଜିଲା ଖଇରା ବ୍ଲକରେ କାର୍ଯ୍ୟରତ ବିଡିଓ ଦେବେନ୍ଦ୍ର ପ୍ରସାଦ ବଳ ବିଭିନ୍ନ ସଚେତନତାମୂଳକ ପଦକ୍ଷେପ ଗ୍ରହଣ କରି ଚର୍ଚ୍ଚାକୁ ଆସିଛନ୍ତି। ପ୍ରଥମେ ସେ ଗାଁ ଗହଳିରୁ ମଦ ଜବତ କରିବା ସହ ହାଟରେ ସାମାଜିକ ଦୂରତ୍ୱ ପଦ୍ଧତି ଶିଖାଇଥିଲେ। ମଙ୍ଗଳବାର ସେ ରପେୟା ପଞ୍ଚାୟତକୁ ଯାଇ ଗୀତ ଗାଇ ଲୋକଙ୍କୁ ସଚେତନତା ବାର୍ତ୍ତା ଦେବା ବେଶ ନିଆରା ଥିଲା। ରାଶନ କାର୍ଡ ଓ ନିର୍ମାଣ ଶ୍ରମିକଙ୍କ ଲାଗି ଉଦ୍ଦିଷ୍ଟ ଅର୍ଥକୁ ନେବା ପାଇଁ ଆସିଥିବା ହିତାଧିକାରୀମାନେ ବିଡିଓଙ୍କ ଗୀତରେ ଉତ୍ସାହିତ ହୋଇ ସାମାଜିକ ଦୂରତା ରକ୍ଷା କରି ଜଣକ ପରେ ଜଣେ ଅର୍ଥ ସହିତ ମାସ୍କ ଓ ସାବୁନ ନେଇ ଘରକୁ ଯାଇଥିଲେ ା ଅର୍ଥ ବଣ୍ଟନ କାର୍ଯ୍ୟକ୍ରମରେ ନୂତନ ନିଯୁକ୍ତ ନିର୍ବାହୀ ଅଧିକାରିଣୀ ଆରତୀ ବେହେରା, ସ୍ଥାନୀୟ ସରପଞ୍ଚ ଅଜୟ କୁମାର ସାମଲ, ସମିତିସଭ୍ୟା ଅନୀତା ନାୟକ, ସମାଜମଙ୍ଗଳ ସମ୍ପ୍ରସାରଣ ଅଧିକାରୀ ତ୍ରିଦୀବ ସୁନ୍ଦର ବରାଳ, ଅନ୍ତରା ସମବାୟ ସମିତି ସମ୍ପାଦକ ବିକାଶ ନାୟକ, ଯନ୍ତ୍ରୀ ନିର୍ମଳକାନ୍ତ ପରିଡା, ଶିକ୍ଷକ ପ୍ରଶାନ୍ତ ତ୍ରିପାଠୀ ଓ ବିନୋଦ ନାୟକ ପ୍ରମୁଖ ସହଯୋଗ କରିଥିଲେ ା
