କଟକ ଅଫିସ, ୨୩-୧୦:ଗୁଗଲ୍ ମ୍ୟାପ୍ରେ ଟ୍ୟାଗ୍ ହେବ ଆଞ୍ଚଳିକ ପରିବହନ କାର୍ଯ୍ୟାଳୟ(ଆର୍ଟିଓ) ସହିତ ଡ୍ରାଇଭିଂ ଟେଷ୍ଟିଂ ଟ୍ରାକ୍ ଓ ପଲ୍ୟୁଶନ ଅଣ୍ଡର କଣ୍ଟ୍ରୋଲ (ପିୟୁସି) କେନ୍ଦ୍ର। ରାଜ୍ୟ ପରିବହନ ଆୟୁକ୍ତଙ୍କ ପକ୍ଷରୁ ମଙ୍ଗଳବାର ଏ ନେଇ ସମସ୍ତ ଆର୍ଟିଓଙ୍କୁ ନିର୍ଦ୍ଦେଶନାମା ଜାରି କରାଯାଇଛି। ଏଥିରେ କୁହାଯାଇଛି, ଆର୍ଟିଓଗୁଡ଼ିକ ଅନେକ ନାଗରିକ କୈନ୍ଦ୍ରିକ ସେବା ଯୋଗାଉଛି। ମାତ୍ର ଲୋକେ ଆର୍ଟିଓ ଅଫିସ ସହିତ ଡ୍ରାଇଭିଂ ଟେଷ୍ଟିଂ ଟ୍ରାକ୍କୁ ପାଇବାରେ ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ଏହି ସ୍ଥାନଗୁଡ଼ିକୁ ଆର୍ଟିଓ ଅଫିସର ଗୁଗଲ୍ ମ୍ୟାପ୍ରେ ଟ୍ୟାଗ୍ କରିବାକୁ କୁହାଯାଇଛି। ସେହିପରି ପ୍ରଦୂଷଣ ପ୍ରମାଣପତ୍ର ପାଇଁ ମଧ୍ୟ ଲୋକେ ଅସୁବିଧା ଭୋଗୁଥିବାରୁ ଏହି କେନ୍ଦ୍ରଗୁଡ଼ିକର ଅବସ୍ଥିତି ସମ୍ପର୍କରେ ଗୁଗଲ୍ ମ୍ୟାପ୍ରେ ସ୍ଥାନ ଦେବାକୁ ଆୟୁକ୍ତଙ୍କ ପକ୍ଷରୁ କୁହାଯାଇଛି।