ଛତ୍ରପୁର,୧୪ା୩(ଡି.ଏନ.ଏ.)
କରୋନା ଭାଇରସ୍କୁ ସରକାରଙ୍କ ପକ୍ଷରୁ ବିପର୍ଯ୍ୟୟ ବୋଲି ଘୋଷଣା କରାଯାଇଛି। ଏପରିକି ଗଞ୍ଜାମ ଜିଲାପାଳଙ୍କୁ ଏନେଇ ନିର୍ଦ୍ଦେଶନାମା ଆସିଛି ା ଶୁକ୍ରବାର ସନ୍ଧ୍ୟାରେ ଛତ୍ରପୁରରେ ଜିଲାପାଳ ବିଜୟ ଅମୃତା କୁଲାଙ୍ଗେ ଭିଡିଓ କନ୍ଫରେନ୍ସିଂ ଜରିଆରେ ୨୨ ବ୍ଲକ କାର୍ଯ୍ୟାଳୟରେ ଉପସ୍ଥିତ ଅଧିକାରୀମାନଙ୍କ ସହ ବୈଠକ କରିଛନ୍ତି। କରୋନା ନେଇ ଥିବା ସରକାରୀ ଗାଇଡଲାଇନକୁ କଡ଼ାକଡ଼ି ପାଳନ କରିବାକୁ ଜିଲାପାଳ ଭିଡିଓ କନ୍ଫରେନ୍ସିଂ ଜରିଆରେ ନିର୍ଦ୍ଦେଶ ଦେଇଛନ୍ତି। ପରେ ଜିଲପାଳ ଏ ସମ୍ପର୍କରେ ଏକ ଖବରଦାତା ସମ୍ମିଳନୀ କରିଥିଲେ। ପ୍ରତି ସୋମବାର ହେଉଥିବା ଅଭିଯୋଗ ଶୁଣାଣି, ମୋ ନିବେଦନ, ମୋ ତହସିଲ କାର୍ଯ୍ୟକ୍ରମକୁ ମାର୍ଚ୍ଚ ୩୧ ପର୍ଯ୍ୟନ୍ତ ବାତିଲ କରାଯାଇଥିବା କହିଛନ୍ତିା ଏଥିସହ ସ୍କୁଲ ବନ୍ଦ ରହିଥିଲେ ହେଁ ଶିକ୍ଷକମାନେ ସ୍କୁଲରେ ରହିବେ। ସେହିପରି ଅଙ୍ଗନୱାଡି କେନ୍ଦ୍ରକୁ ପିଲାମାନେ ଆସିବେନି। ମାତ୍ର କେନ୍ଦ୍ରରେ କର୍ମୀ ରହିବାକୁ ଜିଲାପାଳ ନିର୍ଦ୍ଦେଶ ଦେଇଛନ୍ତି ା ଆବଶ୍ୟକ ହେଲେ କରୋନା ଭାଇରସ ବିପର୍ଯ୍ୟୟ ବେଳେ ସ୍କୁଲଗୁଡିକକୁ ବ୍ୟବହାର କରାଯିବ ବୋଲି କହିଛନ୍ତି। ସେ ଆହୁରି କହିଛନ୍ତି, ବାହାର ପର୍ଯ୍ୟଟକଙ୍କୁ ନ ରଖିବାକୁ ହୋଟେଲଗୁଡିକୁ ନିର୍ଦ୍ଦେଶ ଦିଆଯାଇଛି ା ତାରାତାରିଣୀଙ୍କ ଚୈତ୍ର ଯାତ୍ରା ଚାଲିଛି। ଏଠାକୁ ନ ଯିବାକୁ ଜନସାଧାରଣଙ୍କୁ ଅନୁରୋଧ କରାଯାଇଛିା ସିନେମା ହଲ ବନ୍ଦ ରହିବ ଏବଂ ସମସ୍ତ ସାମାଜିକ କାର୍ଯ୍ୟକ୍ରମ ବନ୍ଦ କରାଯିବ। ଏଥିରୁ ନିବୃତ ରହିବାକୁ କୁହାଯାଇଛି ା ଏସବୁ ମନିଟରିଂ ପାଇଁ ଜିଲାର ୨୨ ବ୍ଲକରେ କମିଟି ଶୁକ୍ରବାର ଗଠନ କରାଯାଇଛି। ଏଥିରେ ବିଡିଓ, ତହସିଲଦାର, ଆଇଆଇସି, ବିଇଓ ଓ ଅନ୍ୟମାନେ ରହିଛନ୍ତି ା କୌଣସି ଗୁଜବପ୍ରତି ଧ୍ୟାନ ନ ଦେବାକୁ ଜିଲାପାଳ ପରାମର୍ଶ ଦେଇଛନ୍ତି। ବାହାର ରାଜ୍ୟରେ କାମ କରୁଥିବା ଶ୍ରମିକ ଗଞ୍ଜାମ ଜିଲାକୁ ଫେରିବାବେଳେ ତାଙ୍କ ଉପରେ ନଜର ରଖିବାକୁ ଜିଲାପାଳ କହିଛନ୍ତ। ଜିଲାସ୍ତରରେ ସହାୟତା ଓ ସୂଚନା ପାଇଁ ୨ ନମ୍ବର (୦୬୮୦-୨୨୨୪୭୯୮ ଓ ୯୪୩୯୯୮୩୯୫୬) କାର୍ଯ୍ୟକ୍ଷମ ହୋଇଛି। ଏଣିକି ଜିଲା ସ୍ତରରେ ଭିଡିଓ କନ୍ଫରେନ୍ସିଂ ଜରିଆରେ ବୈଠକ ହେବ। ସରକାରୀ କର୍ମଚାରୀ ଓ ଅଧିକାରୀ ହେଡକ୍ୱାର୍ଟର ନ ଛାଡିବାକୁ ନିର୍ଦ୍ଦେଶ ଦିଆଯାଇଛି ା ପଞ୍ଚାୟତସ୍ତରରେ ଶନିବାର ପଞ୍ଚାୟତିରାଜ ପ୍ରତିନିଧିଙ୍କୁ ନେଇ ଏବଂ ମିଶନ ଶକ୍ତି ଜରିଆରେ ଏ ସମ୍ପର୍କରେ ସଚେତନ କରାଯିବା ଛତ୍ରପୁର ଓ ବ୍ରହ୍ମପୁର ରେଲୱେ ଷ୍ଟେଶନରେ କାଉଣ୍ଟର ଖୋଲଯାଇ ସାନିଟାଇଜର ଓ ହାତ ସଫେଇ ଉପରେ ଲୋକଙ୍କୁ ସଚେତନ
କରାଯିବ। ଏଥିସହ ପ୍ରତି ରେଲୱେ ଷ୍ଟେଶନ ଓ ବସ୍ଷ୍ଟାଣ୍ଡରେ ହେଲ୍ପ ଡେସ୍କ ଖୋଳିବ ା ଅତିରିଚ୍ଛ ଜିଲାପାଳ ଅମିୟ କୁମାର ସାହୁ, ଡୁଡା ପିଡି ସୁଦାମ ଚରଣ ମଣ୍ଡଳ, ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରୟ ଭାଉସାହେବ, ଛତ୍ରପୁର ଉପଜିଲାପାଳ ପ୍ରିୟ ରଞ୍ଜନ ପୃଷ୍ଟି, ଏମ୍କେସିଜି ହସ୍ପିଟାଲ ପ୍ରଶାସନିକ ଅଧିକାରୀ ସଚ୍ଚିଦାନନ୍ଦ ନାୟକ, ଆରଟିଓ ସଞ୍ଜୟ ବିଶ୍ୱାଳ
ପ୍ରମୁଖ ଉପସ୍ଥିତ ଥିଲେ ା