ଗାନ୍ଧିନଗର,୧୨।୧୦: ଗୁଜରାଟ କଚ୍ଛ ଉପକୂଳରେ ୫ଟି ପାକିସ୍ତାନୀ ବୋଟ୍ ଜବତ କରାଯାଇଥିବା ସୂଚନା ମିଳିଛି। ବିଏସ୍ଏଫ୍ ଦ୍ୱାରା ଚାଲିଥିବା ସର୍ଚ୍ଚ ଅପରେଶନରେ ଏହି ସଫଳତା ମିଳିଛି। ହରାମି ନାଲା ବର୍ଡର ନିକଟରେ ପାଟ୍ରୋଲିଂ ଚାଲିଥିବା ସମୟରେ ପାକିସ୍ତାନର ଏହି ୫ଟି ମାଛଧରା ଡଙ୍ଗାକୁ ଜବତ କରାଯାଇଛି। ଏହାପରେ ଘଟଣାର ଯାଞ୍ଚ ଆରମ୍ଭ କରାଯାଇଥିବା ବେଳେ ସେଠାରେ ସର୍ଚ୍ଚ ଅପରେଶନ ଜାରି ରଖାଯାଇଛି। ତେବେ ଡଙ୍ଗାରେ ଆସିଥିବା ଆତଙ୍କବାଦୀ ଯେମିତି ଦେଶ ମଧ୍ୟରେ ପ୍ରବେଶ ନ କରି ପାରିବେ ସେଥିପ୍ରତି ବିଶେଷ ଦୃଷ୍ଟି ଦିଆଯାଇଛି।