ଆଲମୀରାର ବହିପତ୍ର ଥିବା ଥାକରେ ଚନ୍ଦନ କାଠ ଖଣ୍ଡଟିଏ କିମ୍ବା ଶୁଖିଲା ନିମ୍ବପତ୍ର ରଖିଲେ ଏଥିରେ ପୋକ ଲାଗିବେ ନାହିଁ।
ମିରର୍କୁ ପରିଷ୍କାର କରିବାକୁ ହେଲେ ଉଷୁମ ପାଣିରେ ଏକ ଚାମଚ ଭିନେଗାର ମିଶାଇ କପଡା ଦ୍ୱାରା ସଫା କରନ୍ତୁ। ପରେ କାଗଜରେ ପୋଛି ଦିଅନ୍ତୁ।
ତାଓ୍ବାକୁ ପରିଷ୍କାର କରିବାକୁ ହେଲେ ଏକ ଶୁଖିଲା କପଡାରେ କେଚ୍ଅପ୍ ଲଗାଇ ରଗଡି ସଫା କରନ୍ତୁ। ପରେ ପାଣିରେ ଧୋଇଦିଅନ୍ତୁ। ଆପଣ ଚାହିଁଲେ କେଚ୍ଅପ୍ ବଦଳରେ ଲେମ୍ବୁର ବ୍ୟବହାର କରିପାରିବେ।
ଘରର କାଚ ଆଦି ସାମଗ୍ରୀ ସଫା କରିବା ପାଇଁ କାଗଜର ବ୍ୟବହାର କରନ୍ତୁ। ପରେ ଟେଲ୍କମ୍ ପାଉଡର ପକାଇ ପୋଛି ଦିଅନ୍ତୁ।
ଫର୍ଣ୍ଣିଚରରେ ଥିବା ଦାଗ ଛଡାଇବା ପାଇଁ ପେଟ୍ରୋଲିୟମ୍ ଜେଲି ବ୍ୟବହାର କରନ୍ତୁ। ଦାଗ ହୋଇଥିବା ସ୍ଥାନରେ ପେଟ୍ରୋଲିୟମ୍ ଜେଲି ଲଗାଇ ରାତିସାରା ରଖନ୍ତୁ। ପରଦିନ ସକାଳେ ସ୍ପନ୍ଜ କିମ୍ବା କପଡା ଦ୍ୱାରା ଏହାକୁ ସଫା କରନ୍ତୁ।
କମଳା ଚୋପାକୁ ଖରାରେ ଶୁଖାନ୍ତୁ। ଏହାକୁ ଗୁଣ୍ଡ କରି ଆଲମୀରାର କୋଣମାନଙ୍କରେ ପକାନ୍ତୁ। ଏପରି କଲେ କପଡାରେ ପୋକ ଲାଗିପାରିବେ ନାହିଁ।
ରୋଷେଇ ଘରର ସିଙ୍କ୍ ସଫା କରିବା ପାଇଁ ଅଧା କପ୍ ଭିନେଗାରରେ ଏକ ଚାମଚ ଲେମ୍ବୁରସ ଏବଂ ବେକିଂ ସୋଡା ମିଶାଇ ସିଙ୍କ୍ ରେ ପକାନ୍ତୁ। ୧୦- ୧୫ ମିନିଟ୍ ପରେ ବ୍ରସ୍ରେ ରଗଡି ଗରମ ପାଣିରେ ସଫା କରନ୍ତୁ।
ଘରର ଟାଇଲ୍ ସଫା କରିବା ପାଇଁ ଡିଟରଜେଣ୍ଟ୍ ପାଉଡର ବ୍ୟବହାର କରନ୍ତୁ।
ଯଦି କଳା ପିମ୍ପୁଡି ଦାଉରୁ ରକ୍ଷା ପାଇବା ପାଇଁ ଚାହୁଁଛନ୍ତି ତେବେ ଅଟାରେ ଚିନି ଏବଂ ହଳଦୀ ମିଶାଇ ଉକ୍ତ ସ୍ଥାନରେ ଛିଞ୍ଚି ଦିଅନ୍ତୁ।
ଆଲୁମିନିୟମ୍ ପାତ୍ରକୁ ସଫା କରିବାକୁ ହେଲେ ଏଥିରେ ପାଣି ଏବଂ ସେଓର ଚୋପା ମିଶାଇ ଫୁଟାନ୍ତୁ। ପରେ ଏହାକୁ ସଫା କରନ୍ତୁ।
ରବର ଖେଳଣାକୁ ପରିଷ୍କାର କରିବାକୁ ହେଲେ ପ୍ରଥମେ ବେକିଂ ସୋଡାରେ ଧୋଇ ପରେ ପାଣିରେ ଧୁଅନ୍ତୁ।