ପାରଳାଖେମୁଣ୍ଡି, ୧୧ା୫(ସ୍ବ.ପ୍ର.)-ସୁଦୂର ଗୋଆରୁ ଟ୍ରେନ୍ ଟ୍ରାକ୍ରେ ଚାଲିଚାଲି ଏବଂ ସାଇକେଲ ଯୋଗେ କେତେଜଣ ପ୍ରବାସୀ ଓଡ଼ିଆ ଶ୍ରମିକ ଗଜପତି ଜିଲାରେ ପହଞ୍ଚତ୍ଛନ୍ତି। ଜିଲାର ମୋହନା ବ୍ଲକ ଶିକୁଳିପଦର ପଞ୍ଚାୟତ ଡେଙ୍ଗାମା କଲୋନୀର ମହେଶ୍ୱର ଶବର ଗୋଆରେ ଶ୍ରମିକ ଭାବେ କାର୍ଯ୍ୟ କରୁଥିଲେ। କରୋନା ଯୋଗୁ ସାରା ଭାରତରେ ଲକ୍ଡାଉନ୍ ଘୋଷଣା ପରେ ଫେରିବା ପାଇଁ ମହେଶ୍ୱର ଅସୁବିଧାରେ ପଡିଥିଲେ। ଶେଷରେ ସେ ଟ୍ରେନ୍ ଟ୍ରାକ୍ରେ ଚାଲିଚାଲି ୭ଦିନ ପରେ ଆନ୍ଧ୍ରରେ ରହୁଥିବା ନିଜର ଜଣେ ସାଙ୍ଗଙ୍କ ନିକଟରେ ପହଞ୍ଚତ୍ଥିଲେ। ସେଠାରେ ଗୋଟିଏ ଦିନ ରହି ସାଙ୍ଗଙ୍କୁ ସାଇକେଲଟିଏ କିଣି ଦେବାକୁ ଅନୁରୋଧ କରିଥିଲେ। ସାଙ୍ଗ ଜଣକ ସାଇକେଲ ବ୍ୟବସ୍ଥା କରିଦେବାରୁ ସେ ସାଇକେଲ ଧରି ଗ୍ରାମକୁ ଆସିଥିଲେ। ମହେଶ୍ୱର ୬ ଦିନ ଯାତ୍ରା କରିବା ପରେ ରବିବାର ଗଜପତି ଜିଲାର ମୋହନା ବ୍ଲକରେ ପହଞ୍ଚତ୍ଥିଲେ। ମୋହନା ବ୍ଲକ ଅଧିକାରୀ ବଂଶୀଧର ଖୋସ୍ଲାଙ୍କ ପରାମର୍ଶକ୍ରମେ ସେ ଲୁହାଗୁଡ଼ି ଆଦିବାସୀ ହାଇସ୍କୁଲଠାରେ ହୋଇଥିବା କ୍ୱାରାଣ୍ଟାଇନ କେନ୍ଦ୍ରରେ ରହିଥିଲେ। କ୍ୱାରାଣ୍ଟାଇନ୍ ଅବଧି ପରେ ମହେଶ୍ୱର ତାଙ୍କ ଘରକୁ ଫେରିବେ ବୋଲି ଖୋସ୍ଲା କହିଛନ୍ତି।