ନୂଆଦିଲ୍ଲୀ: ଫୁଟବଲ୍ ଖେଳର ବିଭିନ୍ନ କୌଶଳକୁ ଆପଣାଇ ବେଳେବେଳେ ଲୋକେ ଚର୍ଚ୍ଚିତ ହୋଇଥାନ୍ତି। ତେବେ ଫୁଟବଲକୁ ନିଜ ଗୋଇଠିରେ ଚଲାଇବାର ଏକ ସ୍ବତନ୍ତ୍ର ତଥା ଅଦ୍ଭୁତ କଳା ପ୍ରଦର୍ଶନ କରି ଇଣ୍ଟରନେଟ୍ରେ ଲୋକପ୍ରିୟ ହୋଇଛନ୍ତି ଜଣେ ମହିଳା ରକୁଲ୍ ବେନେଟି।
ରକୁଲ୍ ହେଉଛନ୍ତି ବ୍ରାଜିଲର ମୂଳ ବାସିନ୍ଦା, କିନ୍ତୁ ଏବେ ସେ ଇଣ୍ଟରନେଟ୍ରେ ଢେର୍ ଲୋକପ୍ରିୟତା ହାସଲ କରିଛନ୍ତି। ରକୁଲଙ୍କୁ ଫୁଟବଲ୍ ଖେଳ ପ୍ରତିଭା କ୍ଷେତ୍ରରେ ରାଣୀ ବୋଲି କୁହାଯାଉଛି। ତେବେ ତାଙ୍କର ଏହି ପ୍ରକାର ଗୋଇଠିରେ ଫୁଟବଲ ଚଲାଇବାର ଦକ୍ଷତା ପାଇଁ ସେ ଏତେ ଲୋକପ୍ରିୟ ହୋଇଛନ୍ତି ଯେ, ଇଣ୍ଟରନେଟ୍ରେ ସେ ନିଜର ଏକ ଆକାଉଣ୍ଟ ଖୋଲି କେବଳ ଫୁଟବଲ୍ର କୌଶଳ ସମ୍ପର୍କରେ ଶିକ୍ଷା ଦେଉଛନ୍ତି। ରକୁଲଙ୍କ ଫୁଟବଲ୍ ନେଇ ଏଭଳି ଦକ୍ଷତା ବହୁଦିନର ଏବଂ ସେ ଇଣ୍ଟରେ୍ନଟରେ ସେ ବହୁଦିନରୁ ସ୍ବତନ୍ତ୍ରତା ସୃଷ୍ଟି କରିଛନ୍ତି। କିନ୍ତୁ ଏବେ ହଠାତ୍ ତାଙ୍କର ଏ ସମ୍ପର୍କିତ ଏକ ଭିଜୁଆଲ ଭାଇରାଲ୍ ହୋଇଛି। ମାତ୍ର ଦୁଇଘଣ୍ଟା ଭିତରେ ତାଙ୍କ ଭିଡିଓକୁ ବହୁସଂଖ୍ୟାରେ ଲୋକେ ଲାଇକ୍ କରିବା ସହ କମେଣ୍ଟ ବି ଦେଇଛନ୍ତି। ଏମିତିକି କ୍ରୀଷ୍ଟିନା ରୋନାଣ୍ଡୋ ଏବଂ ଲିଓନେଲ୍ ମେସିଙ୍କ ଭଳି ଫୁଟବଲ୍ ଖେଳାଳି ମଧ୍ୟ ତାଙ୍କୁ ପ୍ରଶଂସା କରି ତାଙ୍କ ଭିଡିଓକୁ ନିଜ ଆକାଉଣ୍ଟରେ ଶେୟାର କରିଛନ୍ତି।