ସାଧାରଣତଃ ଗୋଟିଏ ଗଛରେ ହିଁ ଗୋଟିଏ ପ୍ରକାର ଫଳ ଫଳିଥାଏ। ଆମ୍ବ ଗଛରେ ଆମ୍ବ ଫଳୁଥିବାବେଳେ ପିଜୁଳି ଗଛରେ ପିଜୁଳି ଫଳିଥାଏ। ମାତ୍ର ବିଶ୍ୱରେ ଏମିତି ଏକ ଗଛ ଅଛି, ଯେଉଁ ଗଛରେ ୪୦ ପ୍ରକାର ଫଳ ଫଳିଛି। ଏହି ଗଛ ‘ଟ୍ରିଫ୍ ଅଫ୍ ୪୦’ନାମରେ ଚର୍ଚ୍ଚା ହେଉଛି। ଯାହାକୁ ଆମେରିକାର ଏକ ଭିଜୁଆଲ୍ ଆର୍ଟସର ଫ୍ରଫେସର ପ୍ରସ୍ତୁତ କରିଛନ୍ତି। ଏହି ଗଛର ବିଶେଷତ୍ୱ ହେଲା ଏଥିରେ ସେଓ, କମଳା, ଚେରି,ବରକୋଳି, ଜାମୁରୋଳ ଆଦି ୪୦ ପ୍ରକାର ଫଳ ଫଳିଛି।
ଆମେରିକାସ୍ଥିତ ସେରାକ୍ୟୁଜ୍ ୟୁନିଭର୍ସିଟିରେ ଭିଜୁଆଲ୍ ଆର୍ଟସର ପ୍ରଫେସର ସୈମ୍ ବନ୍ ଏକେନ୍ ଏହି ଗଛର ସୃଷ୍ଟିକର୍ତ୍ତା। ଗୋଟିଏ ଗଛରେ ଏକାସଙ୍ଗରେ ଏତେ ପ୍ରକାର ଫଳ ଫଳାଇବା ପାଇଁ ସେ ବୈଜ୍ଞାନିକମାନଙ୍କ ସହାୟତା ନେଇଥିଲେ। ଏହି କାର୍ଯ୍ୟ ସେ ୨୦୦୮ ମସିହାରେ ଆରମ୍ଭ କରିଥିଲେ। ନ୍ୟୁୟର୍କର ରାଜ୍ୟ କୃଷି ପ୍ରୟୋଗର ଏକ ବଗିଚାକୁ ବୁଲିବାକୁ ଯାଇଥିଲେ, ଯେଉଁଠି ପ୍ରାୟ ୨୦୦ ପ୍ରକାର ବରକୋଳି ଏବଂ ଚେରି ଗଛ ଲାଗିଥିଲା। ଏହି ବଗିଚା ଏବେ ବନ୍ଦ ହୋଇଗଲାଣି। ଏକେନ୍ ଏହି ବଗିଚା ଦେଖିବା ପରେ ନିଜେ କିଛି ଭିନ୍ନ କରି ଦେଖାଇବାକୁ ଚିନ୍ତା କରିଥିଲେ। ଯାହା ଆଜି ପୂରଣ ହୋଇଛି।
‘ଟ୍ରି ଅଫ୍ ୪୦’ଗଛର ଦାମ୍ ମଧ୍ୟ ବେଶ୍ ଅଧିକ। ଏହାର ଦାମ୍ ରହିଛି ୧୯ ଲକ୍ଷ ଟଙ୍କା। ଏକେନ୍ ମୁଖ୍ୟଗଛକୁ କାଟି ଗୋଟିଏ ପରେ ଗୋଟିଏ ଚାରା ସୃଷ୍ଟି କରିଥାନ୍ତି। ଏହିପରି ଭାବେ କରି ଗୋଟିଏ ଗଛରେ ସେ ୪୦ ପ୍ରକାର ଫଳ ଫଳାଇବାରେ ସକ୍ଷମ ହୋଇଛନ୍ତି।