ଗଞ୍ଜାମ,୨୫ା୪(ଡି.ଏନ୍.ଏ.)- ଗଞ୍ଜାମ ଏନ୍ଏସି ୱାର୍ଡ ନଂ.୭ରେ ରୁହନ୍ତି ଶିବରାମ ମହାରଣାଙ୍କ ପରିବାର। ଗୋଟିଏ ଘରେ ଶିବରାମଙ୍କ ଦୁଇ ପୁଅ ଓ ୨ ବୋହୁ ଓ ଅବିବାହିତ ସାନ ପୁଅଙ୍କୁ ମିଶାଇ ମୋଟ ୧୪ ଜଣ ସଦସ୍ୟ ରହୁଛନ୍ତି। ଶିବରାମଙ୍କ ପରିବାର ନିତ୍ୟାନ୍ତ ଗରିବ ଶ୍ରେଣୀର ହୋଇଥିବାବେଳେ ଛୋଟମୋଟ କାଠ କାମ କରି ସେ ପରିବାର ଚଳାଇଥାନ୍ତି। କିନ୍ତୁ କରୋନା ଲକ୍ଡାଉନ ଯୋଗୁ ତାହା ଏବେ ବନ୍ଦ ରହିଛି। ଏଭଳି ପରିସ୍ଥିତିରେ ପରିବାର ଲୋକେ ବହୁ କଷ୍ଟରେ ଦିନ କାଟୁଛନ୍ତି। ନଁା ତାଙ୍କର ରାଶନ କାର୍ଡ ଅଛି, ନା ଆବାସ ଯୋଜନାରେ ଘର ଖଣ୍ଡେ ମିଳିଛି। ଏ ନେଇ ପୂର୍ବତନ ଏମ୍ପି ପ୍ରତିନିଧି ତଥା ଯୁବନେତା ସୁଧୀର କୁମାର ପାଢ଼ୀ ଓ ବିଜେଡି ଯୁବନେତା ରାକେଶ ରଞ୍ଜନ ଦାସ (ଶିଲୁ)ଉକ୍ତ ପରିବାରକୁ ସହାୟତାର ହାତ ବଢାଇଛନ୍ତି। କିଛି ଶୁଖିଲା ଖାଦ୍ୟ ପ୍ରଦାନ ସହ ଉକ୍ତ ପରିବାରକୁ ନେଇ ବିଡ଼ିଓ ଜ୍ୟୋତି ଶଙ୍କର ରାୟଙ୍କୁ ଭେଟି ସମସ୍ୟା ସମ୍ପର୍କରେ ଦୃଷ୍ଟି ଆକର୍ଷଣ କରିଛନ୍ତି। କଣ ପାଇଁ ସେ ରାଶନକାର୍ଡ ଓ ଆବାସ ଯୋଜନାରୁ ବଞ୍ଚତ୍ତ ରହିଛନ୍ତି ତଦନ୍ତ କଲା ପରେ ପଦକ୍ଷେପ ନିଆଯିବ ବୋଲି ବିଡିଓ ଗଣମାଧ୍ୟମକୁ ସୂଚନା ଦେଇଛନ୍ତି।