ବଲିଉଡ୍ର କିଛି ଅଭିନେତାଙ୍କୁ ଗୋଟିଏ ଫିଲ୍ମରେ ଭିନ୍ନଭିନ୍ନ ଲୁକ୍ରେ ଦେଖିବାକୁ ମିଳିଛି। ବୁଧବାର ରିଲିଜ ହୋଇଥିବା ଫିଲ୍ମ ‘ଭାରତ’ରେ ସଲମାନଙ୍କୁ ୧୮ ବର୍ଷର ଲୁକ୍ଠାରୁ ଆରମ୍ଭ କରି ୭୦ ବର୍ଷ ବୃଦ୍ଧ ଭୂମିକାରେ ଦେଖିବାକୁ ମିଳିଛି। ସଲମାନ ଏକା ନୁହନ୍ତି, ତାଙ୍କ ପୂର୍ବରୁ ବଲିଉଡ୍ର ଅନେକ ଅଭିନେତା ଗୋଟିଏ ଫିଲ୍ମରେ ଭିନ୍ନ ଭିନ୍ନ ଲୁକ୍ରେ ନଜର ଆସିଛନ୍ତି। ଜାଣନ୍ତୁ ଏମାନଙ୍କ ସମ୍ପର୍କରେ…
ଅମିତାଭ ବଚ୍ଚନ : ୧୯୭୩ ମସିହାରେ ଏହି ଟ୍ରେଣ୍ଡ ପ୍ରଥମେ ଆରମ୍ଭ କରିଥିଲେ ଅମିତାଭ। ଫିଲ୍ମ ‘ବନ୍ଧେ ହାଥ୍’ ରେ ସେ ଭିନ୍ନ ଭିନ୍ନ ଲୁକ୍ରେ ନଜର ଆସିଥିଲେ। ଏହି ଫିଲ୍ମରେ ଅମିତାଭ ଶାନ୍ତ ସରଳ କବି ଭୂମିକାରେ ନଜର ଆସିଥିବାବେଳେ ଏକ ଚୋର ଭୂମିକାରେ ମଧ୍ୟ ତାଙ୍କୁ ଦେଖିବାକୁ ମିଳିଥିଲା।
ହ୍ରିତିକ୍ ରୋଶନ : ୨୦୦୬ରେ ମଲ୍ଟି ଷ୍ଟାର ଫିଲ୍ମ ‘ଧୂମ-୨’ରେ ହ୍ରିତିକ୍ଙ୍କୁ ଏକ ଚୋର ଭୂମିକାରେ ଦେଖିବାକୁ ମିଳିଥିଲା। ଚୋରି କରିବା ପାଇଁ ସେ ଭିନ୍ନ ଭିନ୍ନ ରୂପ ବଦଳାଉଥିଲେ। ଏହି ଅଭିନୟ ପାଇଁ ହି୍ରିତିକ୍ଙ୍କୁ ବେଶ୍ ତାରିଫ୍ କରାଯାଇଥିଲା। ଏହି ଲୁକ୍ଗୁଡ଼ିକ ମଧ୍ୟ ସେତେବେଳେ ଦର୍ଶକଙ୍କ ପସନ୍ଦ ଆସିଥିଲା।
ରଣବୀର କପୁର : ୨୦୧୮ରେ ରିଲିଜ ହୋଇଥିବା ଫିଲ୍ମ ‘ସଞ୍ଜୁ’ରେ ରଣବୀର ସଞ୍ଜୟ ଦତ୍ତଙ୍କ ଭୂମିକାରେ ଅଭିନୟ କରିଥିଲେ। ଯେଉଁଥିରେ ରଣବୀରଙ୍କୁ ସଞ୍ଜୟଙ୍କ ୫ଟି ଅବତାରରେ ଦେଖିବାକୁ ମିଳିଥିଲା। ସମସ୍ତ ଲୁକ୍ ପାଇଁ ରଣବୀରଙ୍କୁ ବହୁ ପ୍ରଶଂସା ମିଳିଥିଲା। ଏହି ଫିଲ୍ମ ପାଇଁ ତାଙ୍କୁ ବେଷ୍ଟ ଆକ୍ଟର ଆଓ୍ବାର୍ଡ ମଧ୍ୟ ମିିଳିଥିଲା।
ବିବେକ ଓବରାୟ : କିଛିଦିନ ତଳେ ରିଲିଜ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍ ଫିଲ୍ମରେ ବିବେକଙ୍କୁ ଭିନ୍ନ ଭିନ୍ନ ଲୁକ୍ରେ ଦେଖିବାକୁ ମିଳିଛି। କିନ୍ତୁ ଫିଲ୍ମଟି ବକ୍ସ ଅଫିସରେ ସେତେ ଭଲ ପ୍ରଦର୍ଶନ କରିପାରିନାହିଁ।