ନୂଆଦିଲ୍ଲୀ,୧୦-୭: ଗତ ଆର୍ଥିକ ବର୍ଷ ୨୦୧୮-୧୯ରେ ଗୋଟିଏ ୨୦୦୦ ଟଙ୍କିଆ ନୋଟ୍ର ଛାପା ଖର୍ଚ୍ଚ ୧୮.୪% ଅର୍ଥାତ୍ ୬୫ ପଇସା କମିଛି ବୋଲି ସରକାରୀ ତଥ୍ୟରୁ ଜଣାପଡିଛି। ରାଜ୍ୟ ସଭାରେ ପ୍ରଦାନ କରାଯାଇଥିବା ତଥ୍ୟ ଅନୁଯାୟୀ, ୨୦୧୬ ନଭେମ୍ବରରେ ଦେଶରେ ପ୍ରଚଳନ ହୋଇଥିବା ୨୦୦୦ ଟଙ୍କିଆ ନୋଟ୍କୁ ଆର୍ବିଆଇର ଏକ ସହଯୋଗୀ ଭାରତୀୟ ରିଜର୍ଭ ବ୍ୟାଙ୍କ ନୋଟ୍ ମୁଦ୍ରଣ ପ୍ରାଇଭେଟ ଲିମିଟେଡ ଦ୍ୱାରା ଛାପାଯାଉଛି। ୨୦୧୭-୧୮ରେ ଗୋଟିଏ ନୋଟ୍ର ଛାପା ଖର୍ଚ୍ଚ ୪.୧୮ ଟଙ୍କା ଥିଲା ବେଳେ ୨୦୧୮-୧୯ରେ ଏହା ୩.୫୩ ଟଙ୍କାକୁ ହ୍ରାସ ପାଇଛି। କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ଠାକୁର ଲିଖିତ ଜବାବରେ କହିଛନ୍ତି ଯେ, ଗୋଟିଏ ୫୦୦ ଟଙ୍କିଆ ନୋଟ୍ର ଛାପା ଖର୍ଚ୍ଚ ୨୦୧୭-୧୮ରେ ୨.୩୯ ଟଙ୍କା ଥିଲା ବେଳେ ଗତବଷର୍ର୍ ଏହା ୨.୧୩ ଟଙ୍କାକୁ, ୨୦୦ ଟଙ୍କିଆ ନୋଟ୍ ପାଇଁ ୨.୧୫ ଟଙ୍କା ଖର୍ଚ୍ଚ ହେଉଛି। ୨୦୧୭-୧୮(ଜୁଲାଇରୁ ଜୁନ୍)ରେ ନୋଟ୍ ଛାପା ବାବଦରେ ୭୯୬୫ କୋଟି ଟଙ୍କା ଖର୍ଚ୍ଚ ହୋଇଥିଲା ବେଳେ ୨୦୧୬-୧୭ରେ ଏହା ୪୯୧୨ କୋଟି ଟଙ୍କା ଥିଲା ବୋଲି ଠାକୁର କହିଛନ୍ତି।