ମୁମ୍ବାଇ: ବଲିଉଡ୍ ଶେହନେସା ଅମିତାଭ ବଚ୍ଚନ ସବୁବେଳେ କିଛି ନା କିଛି କାରଣ ପାଇଁ ରହିଥାଆନ୍ତି ଚର୍ଚ୍ଚାରେ। ସୋସିଆଲ ମିଡିଆରେ ଆକ୍ଟିଭ ରହୁଥିବା ଅମିତାଭ ଅନେକ ସମୟରେ ଏଥିପାଇଁ ଆସି ଥାଆନ୍ତି ଚର୍ଚ୍ଚାକୁ। ଏଥର ଏକ ପେଣ୍ଟିଂକୁ ନେଇ ସେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏହି ପେଣ୍ଟିଂକୁ ତାଙ୍କର ଜଣେ ବିଦ୍ୟାଙ୍ଗ ପ୍ରଶଂସକ ଗୋଡ଼ରେ ଆଙ୍କିଥିବା ଜଣାପଡିଛି। ଆଉ ଏହାକୁ ଦେଖିବା ପରେ ବିଗ୍ ବି ଇମୋଶନାଲ ହୋଇ ପଡିଛନ୍ତି। ଏହାସହ ସେ ଉକ୍ତ ପେଣ୍ଟିଂ ଓ ପେଣ୍ଟିଂ କରିଥିବା ଦିବ୍ୟାଙ୍କ ପ୍ରଶଂସକଙ୍କ ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ପେଣ୍ଟିଂ ଦେଖିବା ପରେ ଅମିତାଭ ତାଙ୍କ ଦିବ୍ୟାଙ୍ଗ ପ୍ରଶଂସକଙ୍କର ଖୁବ୍ ପ୍ରଶଂସା ବି କରିଛନ୍ତି। ଉକ୍ତ ପେଣ୍ଟିଂରେ ଅମିତାଭ ଫିଲ୍ମ ‘ଗୁଲାବୋ ସିତାବୋ’ର ‘ମିର୍ଜା’ରୂପରେ ଦେଖାଯାଇଛନ୍ତି। ଏହି ଫଟୋଟି ଶେୟାର କରିବା ସହ ଅମିତାଭ ଲେଖିଛନ୍ତି, ଏ ହେଉଛନ୍ତି ଆୟୁଷ, ଦିବ୍ୟାଙ୍ଗ। ହାତ କାର୍ଯ୍ୟକ୍ଷମ ନ ଥିବାରୁ ସେ ଗୋଡ଼ରେ ଏହି ପେଣ୍ଟିଂଟି ପ୍ରସ୍ତୁତ କରିଛନ୍ତି। ତାଙ୍କର ଏହି ପ୍ରତିଭା ଦେଖିବା ପରେ ମୁଁ ତାଙ୍କୁ ଆଶୀର୍ବାଦ କରୁଛି। ତାସହ ସୁନ୍ଦର ପେଣ୍ଟିଂ ପାଇଁ ଧନ୍ୟବାଦ ମଧ୍ୟ ଦେଉଛି। ସୂଚନାଯୋଗ୍ୟ, ଆୟୁଷ ଗତ ଫେବୃୟାରୀରେ ଅମିତାଭଙ୍କୁ ସାକ୍ଷାତ୍ କରିବା ସହ ଏହି ପେଣ୍ଟିଂଟି ଉପହାର ଭାବେ ଦେଇଥିଲେ।