ଗୋପପୁର ହରାଇଲା ପୁରୁଖା କଳାକାର
10:02 pmMay 18, 2020May 18, 2020 / 54

ବରଗଡ଼ ଅଫିସ୍‌,୧୮।୫: ବୃହତ୍‌ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବରେ ଗୋପପୁର ଯାତ୍ରା ଅନ୍ୟତମ । ତେବେ ଗୋପପୁର(ଅମ୍ବାପାଲି) ସୋମବାର ଜଣେ ପୁରୁଖା କଳାକାର କାର୍ତ୍ତିକ ବୁଡ଼େକଙ୍କୁ ହରାଇଛି । ବୁର୍ଲା ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ଘଟିଛି । ମୃତ କଳାକାର ତାଙ୍କ ଜୀବନକାଳରେ ଶବରୀ, ଗୋପୀ, ମଧୁମଙ୍ଗଳ ଆଦି ଭୂମିକାରେ ଅଭିନୟ କରି ଦର୍ଶକଙ୍କ ମନ ଜିଣି ପାରିଥିଲେ । ତାଙ୍କର ଶବରୀ ଅଭିନୟ ବେଶ୍‌ ଚିତ୍ତାକର୍ଷକ ରହିଥିଲା । ଗତବର୍ଷ ସେ କଳାକାରମାନଙ୍କୁ ଦିଗଦର୍ଶନ ମଧ୍ୟ ଦେଇଥିଲେ । ତାଙ୍କ ପରଲୋକରେ ଗୋପପୁର ଅମ୍ବାପାଲିରେ ଗଭୀର ଶୋକପ୍ରକାଶ ପାଇଛି ।