ମହାକାଳପଡ଼ା, ୨୭।୧୦ (ଡି.ଏନ୍.ଏ.)-ମହାକାଳପଡ଼ା ବ୍ଲକ ଅଞ୍ଚଳ ଦେଇ ପ୍ରବାହିତ ଗୋବରୀ ନଦୀରେ ବୁଡ଼ି ରବିବାର ଜଣେ ଯୁବତୀଙ୍କ ମୃତ୍ୟୁ ଘଟିଛି। ସେ ହେଲେ ବ୍ଲକ ଅଧୀନ ଅଳାଇଲୋ ପଞ୍ଚାୟତ ଅଧୀନ ଓଳିଆ ନୀଳକଣ୍ଠପୁର ଗ୍ରାମର ନିର୍ମଳା ମଲ୍ଲିକ (୨୪)। ନିର୍ମଳା ପୂର୍ବାହ୍ନ ପ୍ରାୟ ସାଢ଼େ ୧୦ଟା ବେଳେ ଗୋବରୀ ନଦୀରେ ବାସନ ଧୋଉ ଥିବା ବେଳେ ଅସାବଧାନତା ଯୋଗୁ ତାଙ୍କ ଗୋଡ଼ ଖସି ଯାଇଥିଲା। ବହୁ ଖୋଜା ଖୋଜି ପରେ ସେହି ସ୍ଥାନରୁ କିଛି ଦୂରରୁ ତାଙ୍କ ମୃତଦେହ ଉଦ୍ଧାର କରାଯାଇଛି।