ଶେରଗଡ଼,୨୪ା୧୧(ଡି.ଏନ୍.ଏ.)- ଶେରଗଡ ବ୍ଲକ ବି. ବ୍ରହ୍ମପୁର ଗ୍ରାମରେ ଶୁକ୍ରବାର ସନ୍ଧ୍ୟାରେ ପୂର୍ବଶତ୍ରୁତାରୁ ୨ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା। ଏହି ଘଟଣାରେ ପୋଲିସ ଶନିବାର ସନ୍ଧ୍ୟାରେ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଯୋଗେନ୍ଦ୍ର ପ୍ରଧାନଙ୍କ ଅଭିଯୋଗକ୍ରମେ ନଂ.୧୧୦/୧୯ରେ ମାମଲା ରୁଜୁକରି ଉକ୍ତ ଗ୍ରାମର ଯୋଗେନ୍ଦ୍ର ଗୌଡ, ନାରୁସୁ ଗୌଡ ଓ କୁମାର ଗୌଡଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅପରପକ୍ଷର ଯୋଗେନ୍ଦ୍ର ଗୌଡଙ୍କ ଅଭିଯୋଗକ୍ରମେ ନଂ. ୧୧୧/୧୯ରେ ମାମଲା ରୁଜୁକରି ରାଜେନ୍ଦ୍ର ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି।
ପ୍ରକାଶ ଯେ, ଗତ ଶୁକ୍ରବାର ପୂର୍ବଶତ୍ରୁତାକୁ କେନ୍ଦ୍ରକରି ଯୋଗେନ୍ଦ୍ର ପ୍ରଧାନ ଓ ଯୋଗେନ୍ଦ୍ର ଗୌଡଙ୍କ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା। ଏଥିରେ ୬ଜଣ ଗୁରୁତର ଆହତ ହୋଇଥିଲେ।