ଏଥେନ୍ସ: ଦୀର୍ଘ ୧୦୦ ବର୍ଷ ପରେ ହଜାରେ ବର୍ଷର ପୁରୁଣା ଗ୍ରନ୍ଥକୁ ଫେରି ପାଇବ ଗ୍ରୀସ୍। ବିଶ୍ୱ ଯୁଦ୍ଧ ସମୟରେ ଏହି ଗ୍ରନ୍ଥକୁ ବୁଲ୍ଗେରିଆ ଆର୍ମି ଏହାକୁ ଚୋରି କରି ନେଇଥିଲା। ୧୯୧୭ରେ ଗ୍ରୀସ୍ରୁ ୪ ଶହରୁ ଊର୍ଦ୍ଧ୍ୱ ଗ୍ରନ୍ଥ ଚୋରି ହୋଇଥିଲା। ସୂଚନାଯୋଗ୍ୟ ଏହି ହଜାରେ ବର୍ଷର ଗ୍ରନ୍ଥ ବିଶ୍ୱର ସବୁଠାରୁ ପୁରୁଣା ଗ୍ରନ୍ଥ। ଦଶମ ଶତାବ୍ଦୀ ସମୟରେ ଏହାର ରଚନା କରାଯାଇଥିବା ଜଣାପଡ଼ିଛି। ସାଉଥର୍ନ ଇଟାଲୀରେ ଏହାକୁ ଲେଖା ଯାଇଥିବାବେଳେ ଚତୁର୍ଦ୍ଦଶ ଏବଂ ପଞ୍ଚଦଶ ଶତାବ୍ଦୀ ବେଳକୁ ଏହି ଗ୍ରନ୍ଥ ନର୍ଦନ ଗ୍ରୀସ୍ ଅଣାଯାଇଥିଲା। ଗ୍ରନ୍ଥ ଚୋରି କରାଯିବା ପରେ ଏହାକୁ ୟୁରୋପୀୟ ଦେଶରେ ଅନେକ ଥର ବିକ୍ରି କରାଯାଇଥିଲା। ବର୍ତ୍ତମାନ ସମୟରେ ହଜାର ବର୍ଷର ଏହି ପୁରାତନ ଗ୍ରନ୍ଥ ଆମେରିକାର ସଂଗ୍ରହାଳୟରେ ରଖାଯାଇଛି। ପୁରାତନ ଗ୍ରନ୍ଥ ଗ୍ରୀସ୍ ଫେରିଆସୁ ବୋଲି ଅର୍ଥୋଡକ୍ସ ଧର୍ମଗୁରୁମାନେ ଚାହୁଁଥିଲେ।
ଆମେରିକା ସଂଗ୍ରହାଳୟରେ ଥିବା ପୁରାତନ ଗ୍ରନ୍ଥକୁ ସ୍ବସ୍ଥାନକୁ ଫେରାଇବା ପାଇଁ ୨୦୧୫ରେ ଗ୍ରୀସ୍ ଚର୍ଚ୍ଚ ପକ୍ଷରୁ କୁହାଯାଇଥିଲା। ୨୦୨୦ରେ ଉଭୟ ପକ୍ଷ ମଧ୍ୟରେ ଆଲୋଚନା ହେବା ପରେ ୨୦୨୨ ସେପ୍ଟେମ୍ବର ୨୯ରେ ଏହାକୁ ଗ୍ରୀସ୍ ଫେରାଇ ଦିଆଯିବ ବୋଲି ଆମେରିକା ସଂଗ୍ରହାଳୟ ପକ୍ଷରୁ କୁହାଯାଇଥିଲ।
