ଛେଣ୍ଡିପଦା, ୮ା୯(ଡି.ଏନ.ଏ.) – ଛେଣ୍ଡିପଦା ବ୍ଲକ ଅଞ୍ଚଳରେ ତିନି ଦିନ ଧରି ବର୍ଷା ଲାଗି ରହିଛି। ଏଥିଯୋଗୁ ଜରପଡା ଥାନା ତୁକୁଡା ଗ୍ରାମର ଅନେକଙ୍କ ଘରେ ପାଣି ପଶିଯାଇଥିବା ଦେଖିବାକୁ ମିଳିଛି। ବର୍ଷା ସହ ରାସ୍ତାଘାଟରୁ ନିଷ୍କାସନ ହୋଇପାରୁ ନ ଥିବା ପାଣି ଘରେ ପଶୁଥିବାରୁ ଲୋକେ ହଇରାଣ ହେଉଛନ୍ତି। ଗ୍ରାମର ପ୍ରଶାନ୍ତ କୁମାର ସାହୁଙ୍କ ସମେତ ଅନ୍ୟମାନଙ୍କ ଘରେ ପାଣି ପଶିଯାଇଥିବାରୁ ଭିତରେ ରହିବା, ରୋଷେଇ ବାସ କରିବା ପାଇଁ ଘୋର ଅସୁବିଧା ହେଉଛି। ସ୍ଥାନୀୟ ବ୍ଲକ ପ୍ରଶାସନ ପକ୍ଷରୁ ସ୍ବତନ୍ତ୍ର ଭାବେ ସହାୟତା ଯୋଗାଯିବା ସହ ବିପନ୍ନଙ୍କୁ ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଗୃହ ଯୋଗାଇ ଦେବା ପାଇଁ ଦାବି ହୋଇଛି।