ଭିଲଓ୍ବାରା,୧୪।୪: ରାଜସ୍ଥାନର ସରୋଜ କୁମାର କନଷ୍ଟେବଳ ଭାବେ କାମ କରନ୍ତି। ଏବେ ସେ କରୋନା ଯୋଦ୍ଧା ଭାବେ ନିଜର କାର୍ଯ୍ୟରେ ଯୋଗ ଦେଉଥିବା ବେଳେ ନିଜର ୭ ବର୍ଷ ଶିଶୁକୁ ଘରେ ତାଲା ପକାଇ ଯାଉଥିବା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। କରୋନା ଭାଇରସ ଏବେ ସାରା ଦେଶରେ କାୟା ବିସ୍ତାର କରିଥିବା ବେଳେ ଏବେ ଏହାସହ ଲଢିବାକୁ କରୋନା ଯୋଦ୍ଧା ସାଜିଛନ୍ତି ଡାକ୍ତର, ନର୍ସ, ପୋଲିସ ଆଦି। ସରୋଜ କନଷ୍ଟେବଳ ହୋଇଥିବା ବେଳେ ତାଙ୍କ ସ୍ବାମୀ ଜଣେ କମ୍ପାଉଣ୍ଡର। ସେ ବି କରୋନା ଯୋଦ୍ଧା ତାଲିକାରେ ଆସୁଛନ୍ତି। ରାତି ପାହିଲେ ଏହି ଦମ୍ପତି ନିଜ ନିଜ ଡ୍ୟୁଟିରେ ବାହାରୁଥିବା ବେଳେ ଘରେ ରହୁଥିବା ଏକମାତ୍ର ୭ ବର୍ଷର ଝିଅ ଦିକ୍ଷିତାକୁ ସେମାନେ ତାଲା ପକାଇ ଚାଲି ଯାଉଛନ୍ତି। ମୁଖ୍ୟ ଉଦ୍ଦେଶ୍ୟ ଝିଅକୁ କରୋନାଠାରୁ ଦୂରେଇ ରଖିବା ଓ ଅନ୍ୟପଟେ ଦେଶସେବା କରିବା। ମାତାପିତାଙ୍କର କାମକୁ ନେଇ ଝିଅ ଗର୍ବ କରୁଥିବା ବେଳେ ଦିନସାରା ଘରେ ରହି ଟେଲିଭିଜନ ଦେଖିବା ପଢାପଢି କରିବାରେ ସେ ବ୍ୟସ୍ତ ରହୁଛନ୍ତି ବୋଲି କୁହନ୍ତି।