ମୁମ୍ବାଇ: କରୋନା ଭାଇରସ ଯୋଗୁ ଏବେ ଦେଶର ପ୍ରତି କୋଣ ଅନୁକୋଣରେ ଲୋକେ ଘରେ ବନ୍ଦ ହୋଇ ରହିଛନ୍ତି। ପ୍ରଧାନମନ୍ତ୍ରୀଙ୍କ ଲକ୍ଡାଉନ୍ ଘୋଷଣା ପରେ ଲୋକେ ଆଉ ବାହାରକୁ ବାହାରୁ ନାହାନ୍ତି। ଏହି ସମୟରେ ବଲିଉଡ୍ ଡ୍ରିମ୍ଗର୍ଲ ହେମା ମାଳିନୀ କହିଛନ୍ତି ଯେଉଁମାନେ ଘରେ ବସିଛନ୍ତି ସେମାନେ ପୂଜାପାଠରେ ସମୟ କାଟନ୍ତୁ। ଲକ୍ଡାଉନ୍ ପରେ ବଲିଉଡ୍ ସେଲିବ୍ରିଟିମାନେ ଘରେ ରହି ଭିନ୍ନ ଭିନ୍ନ ସମୟରେ କିଛି ନା କିଛି ଭିଡିଓ ସୋସିଆଲ ମିଡିଆରେ ଶେୟାର କରିବା ପରେ ଏହା ଆସି ଯାଉଛି ଚର୍ଚ୍ଚାକୁ। ତେବେ ଲକ୍ଡାଉନ୍ର ପ୍ରଥମ ଦିନରେ ଲୋକେ ବାହାର ବୁଲୁଥିବା ଦେଖିବା ପରେ ହେମା କହିଥିଲେ ଲୋକେ ଲକ୍ଡାଉନର ଅର୍ଥ ବୁଝି ନ ପାରିବା ଅବା କରୋନା ଭାଇରସ ସଂକ୍ରମଣକୁ ହାଲ୍କା ଭାବେ ନେବା ଦୁର୍ଭାଗ୍ୟପୂର୍ଣ୍ଣ। ଏବେ ହେମା ସମସ୍ତଙ୍କୁ ନବରାତ୍ରୀ ଓ ରାମ ନବମୀର ଶୁଭେଚ୍ଛା ଜଣାଇବା ସହ ସମସ୍ତଙ୍କୁ ସୁସ୍ଥ ଜୀବନ କାମନା କରିଛନ୍ତି।