ଗଛ ଯେ କେବଳ ପରିବେଶକୁ ବିଶୁଦ୍ଧ ରଖିଥାଏ ତା’ନୁହେଁ ବରଂ ଏହାଦ୍ୱାରା ଘରେ ସକରାତ୍ମକ ପ୍ରଭାବ ପଡିଥାଏ ବୋଲି ବାସ୍ତୁ ଶାସ୍ତ୍ରରେ କୁହାଯାଇଛି। ଏହା ଘରେ ସୁଖଶାନ୍ତି ପ୍ରଦାନ କରିବା ସହ ପରିବାର ଲୋକଙ୍କୁ ସୁସ୍ଥ ରଖିବାରେ ମଧ୍ୟ ସାହାଯ୍ୟ କରିଥାଏ।
ମଲ୍ଲି: ଏହା ଏକ ସୁବାସିତ ଫୁଲ ଗଛ। ହେଲେ ବାସ୍ତୁଶାସ୍ତ୍ରରେ ଏହାର ମହତ୍ୱ ରହିଛି। ପରିବାର ସଦସ୍ୟଙ୍କ ମଧ୍ୟରେ ଯଦି ମନୋମାଳିନ୍ୟ ଲାଗି ରହୁଛି ତେବେ ଘର ସାମ୍ନାରେ ଏକ ମଲ୍ଲି ଗଛ ଲଗାଇବା ଭଲ।
ତୁଳସୀ: ହିନ୍ଦୁଧର୍ମରେ ଏହାର ବହୁତ ମହତ୍ୱ ରହିଛି। ଏହା ଘର ଭିତରେ ଥିବା ସମସ୍ତ ନକରାତ୍ମକ ପ୍ରଭାବକୁ ଦୂର କରିଥାଏ ବୋଲି କୁହାଯାଏ। କାରଣ ଏଥିରେ ସବୁ ଦେବାଦେବୀ ବାସ କରିଥାଆନ୍ତି।
ଛୋଟ ବାଉଁଶ ଗଛ: କିଛିଦିନ ହେବ ଲକ୍ଷ୍ୟକଲେ ଦେଖାଯାଇଛି ଲୋକେ ଛୋଟ ବାଉଁଶ ଗଛ ଘରେ ରଖୁଛନ୍ତି। ଫେଙ୍ଗସୁଇ ସହ ବାସ୍ତୁଶାସ୍ତ୍ରରେ ମଧ୍ୟ ଏହାକୁ ଘରେ ରଖିବାକୁ କୁହାଯାଉଛି। ଏଥିରେ କ୍ଳେଶ ଦୂର କରିବାର କ୍ଷମତା ରହିଛି ବୋଲି କୁହାଯାଉଛି।
କ୍ୟାକଟସ୍: ଏହାକୁ ଘରେ ରଖିଲେ ଘର ଉପରେ ଖରାପ ପ୍ରଭାବ ପଡି ନ ଥାଏ ବୋଲି ବାସ୍ତୁଶାସ୍ତ୍ରୀମାନେ କହିଥାଆନ୍ତି। ତେଣୁ ଘରେ ଏହି ଗଛ ରଖିବା ଭଲ।
ଆଲୋଭେରା: ଏହାକୁ ଯେ କେବଳ ସୌନ୍ଦର୍ଯ୍ୟ ବୃଦ୍ଧି ପାଇଁ ବ୍ୟବହାର କରାଯାଏ ତା’ନୁହେଁ ବରଂ ଏହା ସୌଭାଗ୍ୟ ମଧ୍ୟ ବୃଦ୍ଧି କରିଥାଏ। ଏହି ଗଛରେ ଘର ସଜାଇବା ଭଲ। ପରିବାରରେ ଥିବା ଅସୁବିଧାର ଏହା ସମାଧାନ କରିଦିଏ ବୋଲି ବାସ୍ତୁଶାସ୍ତ୍ରରେ କୁହାଯାଇଛି।
