ଭାବିଲେ ଆପଣ ଘରେ ଶୋଇଥିବେ ଆଉ ରାତିରେ ଏକ ଉଲ୍କାପିଣ୍ଡ ସେହି କୋଠରିରେ ପଡ଼ିବ। ସେତେବେଳେ ଆପଣଙ୍କ ଅବସ୍ଥା କ’ଣ ହେବ? ଠିକ୍ ଏମିତି ଏକ ଘଟଣା ଘଟିଛି କାନାଡାର ଜଣେ ମହିଳାଙ୍କ କ୍ଷେତ୍ରରେ। ମହିଳା ଜଣକ ଘରେ ରାତିରେ ଶୋଇଥିବା ବେଳେ ମହାକାଶରୁ ଏକ ଉଲ୍କାପିଣ୍ଡ ଆସି ତାଙ୍କ ବିଛଣାରେ ପଡ଼ିଥିଲା। ସେ ଭୟଭୀତ ହୋଇପଡ଼ିଥିଲେ।
ମହିଳା ଜଣକ କୁହନ୍ତି, ସେ ରାତିରେ ଘର ଭିତରେ ଏକୁଟିଆ ଶୋଇଥିଲେ। ଏହି ସମୟରେ କୋଠରି ଭିତରେ ହଠାତ୍ ଆଲୋକ ଜଳି ଉଠିଲା। ସେ ଉଠି ଘରର ଲାଇଟ୍ ଲଗାଇଲେ। ଦେଖିଲେ ତାଙ୍କ ତକିଆ ନିକଟରେ ଏକ ଉଲ୍କାପିଣ୍ଡ ପଡ଼ିଛି। ସେ ଉପରକୁ ଚାହିଁବାରୁ ଛାତରେ ଏକ କଣା ହୋଇଥିବା ଦେଖିବାକୁ ପାଇଥିଲେ। ଏଥିରେ ସେ ଭୟଭୀତ ହୋଇପଡ଼ିଥିଲେ। ସୌଭାଗ୍ୟ ବଶତଃ ତାଙ୍କର କୌଣସି କ୍ଷତି ଘଟି ନ ଥିବା ସେ କହିଛନ୍ତି।