କଟକ ଅଫିସ୍,୧୨ା୨: କଟକ ସହର ମୁରାଦ୍ଘାଁପାଟଣା ଗଳିରେ ଥିବା ଏକ ଘରୋଇ ଛାତ୍ରୀନିବାସର ରୋଷେଇ ଶାଳ ଗ୍ୟାସ୍ଟାଙ୍କିରେ ବୁଧବାର ଅପରାହ୍ନରେ ନିଆଁ ଲାଗିଯାଇଥିଲା। ଟାଙ୍କିରୁ ଗ୍ୟାସ୍ ଲିକ୍ ଯୋଗୁ ଏହି ଅଗ୍ନିକାଣ୍ଡ ଘଟିଥିଲା। ଛାତ୍ରୀନିବାସର ପ୍ରଥମ ମହଲାରେ ଥିବା ରୋଷେଇ ଶାଳରେ ନିଆଁ ଲାଗିଯିବା ପରେ ଭୟରେ ଅନ୍ତେବାସୀମାନେ ଏଣେତେଣେ ଦୌଡ଼ିଥିଲେ। ସଙ୍ଗେସଙ୍ଗେ ଝରକା କାଚକୁ ଭାଙ୍ଗିଦିଆଯିବା ଫଳରେ ନିର୍ଗତ ଗ୍ୟାସ୍ ପଦାକୁ ଚାଲିଯାଇ ଥିଲା। ଅନ୍ୟପଟେ ଏନେଇ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଏହି ଘଟଣାକୁ ନେଇ ଅନ୍ତେବାସୀଙ୍କ ସମେତ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଆତଙ୍କ ଖେଳିଯାଇଥିଲା।
