ରାୟଗଡ଼ା ଅଫିସ,୧୬।୧: ରାୟଗଡ଼ା ସହର ଓଏମ୍ପି ପ୍ରଥମ ଗଳିରେ ଘର ତାଲା ଭାଙ୍ଗି ଲୁଟ୍ ହୋଇଥିବା ଅଭିଯୋଗ ହୋଇଛି। ନେହେରୁ ନଗର ତୃତୀୟ ଲାଇନ୍ର ଓଏମ୍ପି ନିକଟରେ ଶିକ୍ଷକ ରବି. ରାଜେଶଙ୍କ ଘରୁ ଏହି ଚୋରି ହୋଇଛି। ଗତ ୧୪ ତାରିଖରେ ଗୁଣୁପୁର ପୋଙ୍ଗଲ ପାଳନ ପାଇଁ ରାଜେଶ ସପରିବାର ଗୁଣୁପୁର ଯାଇଥିଲେ। ଏହାପରେ ଗୁରୁବାର ଆସି ଦେଖିଲାବେଳକୁ ୮ ଭରି ସୁନା ୨୦ ହଜାର ଟଙ୍କା ନଗଦ ଚୋରି ହୋଇଛି। ଗ୍ରୀଲ୍ ଏବଂ ଆଲମିରା ଭାଙ୍ଗି ଚୋରି ଦୁର୍ବୃତ୍ତମାନେ ସର୍ବସ୍ବ ଲୁଟି ନେଇଛନ୍ତି। ଏନେଇ ଟାଉନ ଥାନାରେ ମାମଲା ରୁଜୁ ହୋଇଥିବା ବେଳେ ପୋଲିସ ସନ୍ଧାନୀ କୁକୁର ସହ ଘଟଣାସ୍ଥଳରେ ପହଞ୍ଚି ତଦନ୍ତ ଜାରିରଖିଛି।