ପଡ଼ିଆବାହାଲ,୧୫ା୬(ଡି.ଏନ୍.ଏ.): ସୋମବାର ଭୋର୍ରୁ ସମ୍ବଲପୁର ଜିଲା ବାହାମ ପଞ୍ଚାୟତ ଡୁମୁରିପଡ଼ାଠାରେ ଏକ ଦନ୍ତାହାତୀ ଘର ଭାଙ୍ଗିବାରୁ ଘରେ ଶୋଇଥିବା ଗଙ୍ଗାଧର ମେହେରଙ୍କ ଉପରେ କାନ୍ଥ ପଡ଼ିଯାଇଥିଲା। ଫଳରେ ତାଙ୍କ ଅଣ୍ଟାରେ ଆଘାତ ଲାଗିଛି। ଗ୍ରାମବାସୀଙ୍କଠାରୁ ଖବର ପାଇ ବନ ବିଭାଗ ଆସି ହାତୀ ଘଉଡ଼ାଇବା ସହ ଗଙ୍ଗାଧରଙ୍କୁ କାନ୍ଥତଳୁ ଉଦ୍ଧାର କରି ଚିକିତ୍ସା ନିମନ୍ତେ ପଠାଇଛି। ଏହି ଗୋଠଛଡ଼ା ଦନ୍ତା ହାତୀଟି ଅଞ୍ଚଳର ବହୁ ଘରଦ୍ୱାର ନଷ୍ଟ କରିବା ସହ ଧନ ଜୀବନ ହାନି କଲାଣି। ଦନ୍ତାଟିକୁ ଦୂର ଜଙ୍ଗଲରେ ଛାଡ଼ିବା ପାଇଁ ବନ ବିଭାଗ କର୍ତ୍ତୃପକ୍ଷଙ୍କୁ ନିବେଦନ କରିଛନ୍ତି ଅଞ୍ଚଳବାସୀ।