ବଡ଼ଗାଁ,୭।୮(ଡି.ଏନ୍.ଏ.) : ସୁନ୍ଦରଗଡ଼ ଜିଲା ବଡ଼ଗାଁ ବନଖଣ୍ଡ ଅଧୀନ ଜଙ୍ଗଲକୁ ଆସିଥିବା ୧୪ଟି ହାତୀ ଶନିବାର ଉପଦ୍ରବ କରିଥିବା ବେଳେ ମଙ୍ଗଳବାର ରାତିରେ ଏମାନଙ୍କ ମଧ୍ୟରୁ ଗୋଟିଏ ହାତୀ କୁତ୍ରା ବ୍ଲକ ଅନ୍ତର୍ଗତ ସିଆଲଯୋର ଗ୍ରାମର ପବିତ୍ର ଭୋଇଙ୍କ ଘରକୁ ଭାଙ୍ଗି ଦେଇଛି। ସେହିପରି ଅଜୟ ଦେହୁରୀଙ୍କ ବାଡ଼ିରେ ପଶି ଫସଲ ନଷ୍ଟ କରିଛି। ଉଲ୍ଲେଖଯୋଗ୍ୟ ଗତ ଶନିବାର କୁସୁମଡେଗୀ ପାହାଡ଼ ଟୋଲିର ବିନୁ ଟପ୍ପୋ ଏବଂ ଜନ ଟପ୍ପୋଙ୍କ ଘର ଭାଙ୍ଗି ଦେଇଥିଲା। ଗ୍ରାମବାସୀ ଘଉଡ଼ାଇ ଦେବାରୁ ମଙ୍ଗଳବାର ବିଳମ୍ବିତ ରାତିରେ ଗ୍ରାମର ବଦନ ନାଏକଙ୍କ ବାଡ଼ିର ପାଚେରି ଭାଙ୍ଗିଥିଲା। ହରିହର ପୃଷେଟ୍ଙ୍କ ବାଡ଼ିରୁ ପନିପରିବା ଓ ଧନୁର୍ଜୟ ପୃଷ୍ଟେଟ୍ଙ୍କ ବାଡ଼ିରୁ ମକା ଖାଇବା ପରେ ଜାନକୀ ପୃଷେଟଙ୍କ ଜମିରୁ ଧାନତଳି ଦଳିଚକଟି ନଷ୍ଟ କରି ଦେଇଥିଲା।