ନୂଆଦିଲ୍ଲୀ,୨୪।୧୧ : ମୁଖ୍ୟ ନିର୍ବାଚନ କମିଶନର ଏବଂ ନିର୍ବାଚନ କମିଶନରଙ୍କ ନିଯୁକ୍ତି ସମ୍ପର୍କରେ ସୁପ୍ରିମକୋର୍ଟର ସାମ୍ବିଧାନିକ ବେଞ୍ଚରେ ଶୁଣାଣି ସମୟରେ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟ କେତେକ ପ୍ରଶ୍ନ କରିଛନ୍ତି। କେନ୍ଦ୍ର ସରକାର ନିର୍ବାଚନ କମିଶନର ଅରୁଣ ଗୋଏଲଙ୍କ ନିଯୁକ୍ତି ଫାଇଲକୁ ବେଞ୍ଚଙ୍କୁ ଦେଇଛନ୍ତି। ଏଜି ଆର ଭେଙ୍କଟାରମଣି ଏହି ଫାଇଲଗୁଡ଼ିକୁ କେନ୍ଦ୍ର ସରକାରଙ୍କ ତରଫରୁ ବିଚାରପତିମାନଙ୍କୁ ହସ୍ତାନ୍ତର କରିଛନ୍ତି। ଏଜି କହିଛନ୍ତି, ମୁଁ ଏହି କୋର୍ଟକୁ ସ୍ମରଣ କରିବାକୁ ଚାହୁଁଛି ଯେ ଆମେ ଏହା ଉପରେ ଏକ ମିନି ଟ୍ରାଏଲ କରୁନାହୁଁ। ଜଷ୍ଟିସ ଜୋଶେଫ କହିଛନ୍ତି, ନା … ନା, ଆମେ ଏହା ବୁଝୁଛୁ।
ଏହା ପରେ ଆଟର୍ନି ଜେନେରାଲ ଆର ଭେଙ୍କଟାରମଣି ପ୍ରକ୍ରିୟା ବିଷୟରେ ବିସ୍ତୃତ ସୂଚନା ଦେଇଥିଲେ। ସେ କହିଛନ୍ତି ଯେ ଆଇନ ଓ ନ୍ୟାୟ ମନ୍ତ୍ରଣାଳୟ ନିଜେ ସମ୍ଭାବ୍ୟ ପ୍ରାର୍ଥୀଙ୍କ ତାଲିକା ପ୍ରସ୍ତୁତ କରୁଛି। ତା’ପରେ ସେମାନଙ୍କ ମଧ୍ୟରୁ ସବୁଠାରୁ ଉପଯୁକ୍ତ ଚୟନ କରାଯାଇଛି। ଏଥିରେ ପ୍ରଧାନମନ୍ତ୍ରୀଙ୍କ ମଧ୍ୟ ଭୂମିକା ରହିଛି।
ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ପ୍ରଶ୍ନ କରି କହିଛନ୍ତି, ନିର୍ବାଚନ କମିଶନରଙ୍କ ନିଯୁକ୍ତିରେ ଏତେ ତତ୍ପରତା କାହିଁକି? ଏତେ ସୁପରଫାଷ୍ଟ ନିଯୁକ୍ତି କାହିଁକି? ଜଷ୍ଟିସ ଜୋଶେଫ କହିଛନ୍ତି, ଯେଉଁ ଦିନ ଆପଣ ଫାଇଲ ପଠାଇବେ, ସେହି ଦିନ ପ୍ରଧାନମନ୍ତ୍ରୀ ତାଙ୍କ ନାମକୁ ସୁପାରିଶ କରିବେ। ଏହା କାହିଁକି ଶୀଘ୍ର କରାଗଲା?
