ବଇଣ୍ଡା,୩।୧୧(ଡି.ଏନ.ଏ.)-କିଶୋରନଗର ବ୍ଲକ ହଣ୍ଡପା ରେଞ୍ଜ ଚାର ଖେମୁଣ୍ଡି ଜଙ୍ଗଲରେ ରବିବାର ବନବିଭାଗ ପକ୍ଷରୁ ଚଢାଉ କରାଯାଇ ୨୦ ହଜାର ଟଙ୍କାର ଶାଳ ଚଉକାଠ ଜବତ କରାଯାଇଛି। ଏହି ଘଟଣାରେ କିଶୋରନଗର ଥାନା କରଡିଂବାହାଳ ଗ୍ରାମର ଦୁଃଖିଶ୍ୟାମ ବାଦି, ରେଢାଖୋଲ ଥାନା କଳିନ୍ଦର ଗ୍ରାମର ଅଜୟ ପ୍ରଧାନଙ୍କୁ ଗିରଫ କରାଯାଇଛି। ଏଥିସହିତ ସେମାନଙ୍କ ନିକଟରୁ ଏକ କରତ, ଟାଙ୍ଗିଆ, ଲୁହା ପଦାର୍ଥ ବନବିଭାଗ ଜବତ କରିଛି। ସେମାନେ ଉକ୍ତ ଜଙ୍ଗଲରୁ ଶାଳ ଚଉକାଠ କାଟୁଥିବାବେଳେ ଖବରପାଇ ହଣ୍ଡପା ରେଞ୍ଜର ଚୈତନ୍ୟ ବେହେରା, ଫରେଷ୍ଟର ନନ୍ଦକିଶୋର ତ୍ରିପାଠୀ, ସଞ୍ଜୟ କୁମାର ବେହେରା, ଦୀପ୍ତିରଞ୍ଜନ ବିଶ୍ୱାଳ, ଫରେଷ୍ଟର ଗାର୍ଡ ସନ୍ତୋଷ କୁମାର ନାୟକଙ୍କ ସମେତ ଏକ ଟିମ ଚଢାଉ କରିଥିଲେ।