ସଜନାଗଡ଼, ୩୦।୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଞ୍ଚଳରେ ଏକ ଲଜ୍ଜାଜନକ ଘଟଣା ଘଟିଛି। ଚକୋଲେଟ୍ ପ୍ରଲୋଭନ ଦେଖାଇ ଏକ ୪ ବର୍ଷର ଶିଶୁକନ୍ୟାଙ୍କୁ ବଳାତ୍କାର କରାଯାଇଛି। ଏନେଇ ଶିଶୁକନ୍ୟାଙ୍କ ବାପା ନୀଳଗିରି ନୀଳଗିରି ଥାନାରେ ଅଭିଯୋଗ କରିବା ପରେ ପୋଲିସ ନୀଳଗିରି ଥାନାରେ ଏକ ପୋକ୍ସୋ ମାମଲା (ନଂ. ୩୮/୨୦) ରୁଜୁ କରି ଅଭିଯୁକ୍ତ ଯୁବକଙ୍କୁ ଅଟକ ରଖିଛି।
ଉକ୍ତ ଯୁବକ ଘରେ କେହି ନ ଥିବା ବେଳେ ଶିଶୁକନ୍ୟାକୁ ଚକୋଲେଟ୍ ଦେବାର ବାହାନା କରି ବାଇକ୍ରେ ପାଖ ଜଙ୍ଗଲକୁ ନେଇ ସେଠାରେ ବଳାତ୍କାର କରିଥିଲେ। ଅଭିଯୁକ୍ତଙ୍କ ପ୍ରକୃତ ଘର ମୟୁରଭଞ୍ଜ ଜିଲା ପୁରୁଣା ବାରିପଦା ଅଞ୍ଚଳର ହୋଇଥିବାବେଳେ ସେ ପିଲାଦିନରୁ ମାମୁ ଘର ମଛୁଆ ଅଞ୍ଚଳରେ ରହିଆସୁଥିଲେ।