କୋଣାର୍କ, ୨୮।୭(ଡି.ଏନ୍.ଏ.)-ମାନସିକ ବ୍ରତକୁ ସଫଳ କରିବା ନେଇ ହଜାର ହଜାର କାଉଡ଼ିଆ ରବିବାର ଚନ୍ଦ୍ରଭାଗା ତୀର୍ଥ ପୁଷ୍କରିଣୀରୁ ପାଣିଭାର ଉଠାଇ ଶୈବପୀଠ ଅଭିମୂଖେ ଯାତ୍ରା ଆରମ୍ଭ କରିଛନ୍ତି। ଶ୍ରାବଣ ମାସ ପବିତ୍ର ସୋମବାର ପରିପ୍ରେକ୍ଷୀରେ ହଜାର ହଜାର କାଉଡିଆ ଚନ୍ଦ୍ରଭାଗା ତୀର୍ଥ ପୁଷ୍କରିଣୀଠାରେ ପହଞ୍ଚତ୍ଥିଲେ। ସେଠାରେ ସ୍ନାନ କାର୍ଯ୍ୟ ସାରି ପୂଜାର୍ଚ୍ଚନା କରିଥିଲେ। ପରେ ପରେ ପାଣି ଉଠାଇ ବାବା ଶ୍ରୀ ଲୋକନାଥ, ବାବା ବାଲିକପିଳେଶ୍ୱର, ବାବା ତ୍ରୀବେଣିଶ୍ୱର, ଐଶାନେଶ୍ୱର, ଦକ୍ଷିଣେଶ୍ୱର, ନୀଳକଣ୍ଠେଶ୍ୱର, ବାବା ବାଲୁଙ୍କେଶ୍ୱରଙ୍କ ସମେତ ବିଭିନ୍ନ ଶୈବପୀଠ ଅଭିମୂଖେ ଯାତ୍ରା ଆରମ୍ଭ କରିଥିଲେ।