ସନଫ୍ରାନ୍ସିସ୍କୋ: ଆମେରିକାର ଅନ୍ତରୀକ୍ଷ ଏଜେନ୍ସି ନାସା ଓ ହ୍ୟୁଲେଟ ପାକାର୍ଡ ଏଣ୍ଟରପ୍ରାଇଜ୍(ଏଚ୍ପିଇ) ସହଭାଗିତାରେ ନିର୍ମାଣ କରାଯାଇଥିବା ଏକ ନୂଆ ସୁପର୍ କମ୍ପ୍ୟୁଟର ନାସାର ଅନ୍ତରୀକ୍ଷ ଅଭିଯାନରେ ସାହାଯ୍ୟ କରିବ । ୨୦୨୪ରେ ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ମଣିଷ ଅବତରଣ କରାଇବା ପାଇଁ ନାସା ଯେଉଁ ଯୋଜନା କରିଛି ତାହାକୁ ସଫଳ କରିବାରେ ଏହି କମ୍ପ୍ୟୁଟର ମୁଖ୍ୟ ଭୂମିକା ନେବ । ଏହାର ନାମ ଆମେରିକାର ଜ୍ୟୋତିର୍ବିଜ୍ଞାନୀ ରବର୍ଟ ଗ୍ରାଣ୍ଟ୍ ଆଇଟ୍କେନଙ୍କ ନାମାନୁସାରେ ଆଇଟ୍କେନ୍ ରଖାଯାଇଛି । ଆଇଟ୍କେନକୁ ବିଭିନ୍ନ ପର୍ଯ୍ୟାୟରେ ନିର୍ମାଣ କରିବା ପାଇଁ ୪ ବର୍ଷ ଲାଗିଛି। ଏହାଦ୍ୱାରା ଯାନର ମଡେଲିଂ,ଶକ୍ତି ଯୋଗାଣ ସହ ଅବତରଣ ସବୁ କିଛି ସହଜ ହୋଇପାରିବ ବୋଲି ନାସା ପକ୍ଷରୁ କୁହାଯାଇଛି। ଏହି କମ୍ପ୍ୟୁଟରକୁ ନାସାର ଏମ୍ଇଏସ୍ ରିସର୍ଚ୍ଚ ସେଣ୍ଟର ସ୍ଥାପନ କରାଯାଇଛି। ଯାନ ଉତ୍କ୍ଷେପଣଠାରୁ ଆରମ୍ଭ କରି ଅବତରଣ ପର୍ଯ୍ୟନ୍ତ ସବୁପ୍ରକାର କମ୍ପ୍ୟୁଟର ସମସ୍ୟାକୁ ସହଜରେ ସମାଧାନ କରିପାରିବ।ଏହା ପାଇଁ କମ୍ ବିଦ୍ୟୁତ ଆବଶ୍ୟକ ହେବ। ସୁପର୍ କମ୍ପ୍ୟୁଟରକୁ ଥଣ୍ଡା ରଖିବା ଲାଗି ଏକ କୁଲିଂ ଟାଓ୍ବାର୍ର ବ୍ୟବସ୍ଥା ମଧ୍ୟ କରାଯାଇଛି।