ମୁମ୍ବାଇ: ମଲ୍ଟିଟ୍ୟାଲେଣ୍ଟେଡ୍, ସୌନ୍ଦର୍ଯ୍ୟରେ ଭରପୂର ଓ ବଲିଉଡ୍ରେ ନୂଆ ନୂଅ ପାଦ ରଖିଥିବା ବୋଲ୍ଡ ଅଭିନେତ୍ରୀ ତାରା ସୁତାରିଆ ମଙ୍ଗଳବାର ୨୪ବର୍ଷ ବୟସରେ ପଦାର୍ପଣ କରିଛନ୍ତି। ଏହି ଅବସରରେ ତାରାଙ୍କୁ ବଲିଉଡ୍ ଓ ତାଙ୍କ ପ୍ରଶଂସକଙ୍କ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ୧୯୯୫ ନଭେମ୍ବର ୧୯ ମୁମ୍ବାଇରେ ତାରା ଜନ୍ମଗ୍ରହଣ କରିଥିଲେ। ସେ ଜଣେ ଭଲ ଗାୟିକା ହେବା ସହ ଭଲ ଅଭିନେତ୍ରୀ ଓ ନୃତ୍ୟାଙ୍ଗନା ମଧ୍ୟ। ମାତ୍ର ୭ବର୍ଷ ବୟସରୁ ସେ ପ୍ରଫେସନାଲ ଗାୟିକା ଭାବେ କାମ କରୁଛନ୍ତି। ୨୦୧୦-୧୧ରୁ ସେ ଡିଜ୍ନୀ ଚ୍ୟାନେଲରେ ଶିଶୁ କଳାକାର ଭାବେ ଭିଡିଓ ଜକି ହିସାବରେ କାମ ଆରମ୍ଭ କରିଥିଲେ। ହେଲେ ତାଙ୍କୁ ପରିଚୟ ଦେଇଥିଲା ପୁନିତ ମାଲହୋତ୍ରାଙ୍କ ଫିଲ୍ମ ‘ଷ୍ଟୁଡେଣ୍ଟ ଅଫ ଦ ଇୟର-୨’। ଏହି ଫିଲ୍ମ ଜରିଆରେ ସେ ବଲିଉଡ୍ରେ ଏଣ୍ଟ୍ରି କରିଥିବା ବେଳେ ପ୍ରଥମ ଫିଲ୍ମରୁ ହିଁ ତାଙ୍କ ଅଭିନୟର ଜାଦୁ ପ୍ରଶଂସକଙ୍କୁ ମନ୍ତ୍ରମୁଗ୍ଧ କରିଥିଲା। ତାରା ନିଜ ଫିଲ୍ମ ଓ ଫ୍ୟାସେନେବୁଲ ଅନ୍ଦାଜ ଓ ଲଭ୍ ଲାଇଫ୍କୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ତେବେ ସେ ପୁଣି ଥରେ ଦର୍ଶକଙ୍କ ହୃଦୟରେ ରାଜ କରିଛନ୍ତି। ନିକଟରେ ମିଲାପ ଜାଭେରୀଙ୍କ ଫିଲ୍ମ ‘ମରଜାଓ୍ବାଁ’ରେ ସେ ଅଭିନୟ କରିଥିଲେ। ଏହି ଫିଲ୍ମରେ ତାରାଙ୍କ ସହ ସିଦ୍ଧାର୍ଥ ମାଲହୋତ୍ରା ଓ ରିତେଶ ଦେଶମୁଖଙ୍କୁ ବି ଦେଖିବାକୁ ମିଳିଥିଲା। ଶୁଣିବାକୁ ମିଳିଛି ମିଲନ ଲୁଥରିଆଙ୍କ ଅପ୍ କମିଂ ଫିଲ୍ମ ‘ତଡପ’ରେ ନଜର ଆସିବେ। ଏଥିରେ ସୁନୀଲ ସେଟ୍ଟୀଙ୍କ ପୁଅ ଆହାନଙ୍କୁ ମଧ୍ୟ ଦେଖିବାକୁ ମିଳିବ। ଏହା ତେଲଗୁ ଫିଲ୍ମ ‘RX 100’ର ରିମେକ ବୋଲି ଜଣାପଡ଼ିଛି।