ବମ୍ବେ: ‘ଟିକ୍ଟକ୍’ ଆଜିକାଲିର ସବୁଠାରୁ ଅଧିକ ପସନ୍ଦଯୋଗ୍ୟ ସୋସିଆଲ ମିଡିଆ ପ୍ଲାଟ୍ଫର୍ମ। ପିଲାଠାରୁ ବୁଢ଼ା ପର୍ଯ୍ୟନ୍ତ ସମସ୍ତେ ଏଥିରେ ଆକାଉଣ୍ଟ କରି ଭଳିକିଭଳି ଭିଡିଓ ପୋଷ୍ଟ କରିଥାଆନ୍ତି ବ୍ୟବହାରକାରୀ। ଗୀତ ହେଉ ଅଥବା ନୃତ୍ୟ/ଅଭିନୟ ଅନେକେ ଏଥିରୁ ଷ୍ଟାର ପାଲଟି ଯାଉଛନ୍ତି। ନିକଟରେ ବଲିଉଡ୍ ଅଭିନେତ୍ରୀଙ୍କ ଭଳି ଦେଖାଯାଉଥିବା କିଛି ମୁହଁ ଟିକ୍ଟକ୍ରେ ଭାଇରାଲ ହୋଇଥିଲା। ଏବେ ଅଭିନେତ୍ରୀ କିଆରାଙ୍କ ଭଳି ଅବିକଳ ଦିଶୁଥିବା ଟିକ୍ଟକ୍ ଷ୍ଟାର ଚର୍ଚ୍ଚାରେ। ସେ ହେଲେ କଳ୍ପନା ଶର୍ମା।
କିଆରା ଅଭିନେତା ଶାହିଦଙ୍କ ସହ ଫିଲ୍ମ ‘କବୀର ସିଂ’ରେ ନଜରକୁ ଆସିଥିଲେ। ଏଥିରେ ତାଙ୍କ ଭୂମିକା ପ୍ରୀତି ସିକ୍କାକୁ ଦର୍ଶକେ ବେଶ୍ ପସନ୍ଦ କରିଥିଲେ। ତେବେ ନିକଟରେ ଏହି ଲୁକ୍ର କିଛି ଭିଡିଓ ନିଜ ସୋସିଆଲ ପୃଷ୍ଠାରେ ଶେୟାର କରିଛନ୍ତି କଳ୍ପନା, ଯାହାକୁ ଦେଖିଲେ ଯେ କେହି ବି ସେ କିଆରା ବୋଲି ଭାବିନେଇପାରିବ। ଭିଡିଓଟି ଏବେ ଖୁବ୍ ଭାଇରାଲ ହେଉଛି। କଳ୍ପନା କେବଳ ଯେ ଟିକ୍ଟକ୍ ତାହା ନୁହେଁ, ଇନ୍ଷ୍ଟାଗ୍ରାମରେ ବେଶ୍ ସକ୍ରିୟ। ସବୁବେଳେ ସେ କିଆରାଙ୍କ ଭଳି ପୋଷାକ ପିନ୍ଧି ଫଟୋ ଶେୟାର କରିଥାଆନ୍ତି।
କଳ୍ପନାଙ୍କ ପୂର୍ବରୁ ଟାଇଗର ଶ୍ରଫ୍ଙ୍କ ଭଳି ଦିଶୁଥିବା ତେଜସ୍ ସରନ୍, କରୀନାଙ୍କ ଭଳି ଦିଶୁଥିବା ଅଲିନା ରୟ, ମଧୁବାଲାଙ୍କ ଭଳି ଦିଶୁଥିବା ପ୍ରିୟଙ୍କା କାଣ୍ଡଓ୍ବାଲ, ସଲମାନଙ୍କ ଭଳି ଦିଶୁଥିବା ସୁଶାନ୍ତ ଖାନ୍ନା, କୋହଲୀଙ୍କ ଭଳି ଦିଶୁଥିବା ଗୌରବ ଅରୋରା ଟିକ୍ଟକ୍ରେ ବେଶ୍ ନାଁ କମାଇଛନ୍ତି।