ଜି.ଉଦୟଗିରି,୧ା୧୨(ଡି.ଏନ୍.ଏ.)- ଜି.ଉଦୟଗିରି ବରାଳିନୀ ମାର୍କେଟ ତହସିଲ ଗେଟ୍ ସମ୍ମୁଖରେ ରବିବାର ପୂର୍ବାହ୍ନ ପ୍ରାୟ ୯ଟାରେ ଏକ ମାଟି ବୋଝେଇ ଟ୍ରାକ୍ଟରର ଏକ୍ସିଲ ଭାଙ୍ଗି ବଡଚକ ଅଲଗା ହୋଇଯାଇଥିଲା। ସୌଭାଗ୍ୟବଶତଃ ଚକାଟି ପାଖରେ ଯାଉଥିବା ଟ୍ରଲି ଚକାରେ ଲାଗି ଅଟକି ଯାଇଥିଲା। ଫଳରେ ନିକଟରେ ଥିବା ଲୋକେ ଓ ଟ୍ରାକ୍ଟର ଚାଳକ ଏକ ବଡ ଦୁର୍ଘଟଣାରୁ ବର୍ତ୍ତି ଯାଇଥିଲେ। ଘଟଣାବେଳେ ଗୋଟିଏ ପାର୍ଶ୍ୱରେ ଏକ ଘରୋଇ ବସ ଅଟକି ରହିଥିବା ବେଳେ ଅନ୍ୟ ଏକ ପାର୍ଶ୍ୱରେ କାର ମଧ୍ୟ ପାର୍କିଂ ହୋଇଥିଲା।ପରେ ଜେସିବି ଡ଼ାକି ଟ୍ରାକ୍ଟରକୁ ସ୍ଥାନାନ୍ତର କରାଯିବାପରେ ଯାତାୟାତ ସ୍ବାଭାବିକ ହୋଇଥିଲା।