ଅନେକ ସମୟରେ ଆପଣ ଭିନ୍ନ ଭିନ୍ନ ଲୋକଙ୍କ ସଂସ୍ପର୍ଶରେ ଆସିଥିବେ। ଯେଭଳି କି କମ୍ ଶୁଭୁଥିବା ଓ ଗନ୍ଧ ବାସ୍ନା ବାରିପାରୁୁ ନ ଥିବା ବ୍ୟକ୍ତି। ତେବେ ଏପରି ଜଣେ ମହିଳାଙ୍କ ବିଷୟରେ ଆପଣ ଜାଣି ଆଶ୍ଚର୍ଯ୍ୟ ହେବେ, ଯାହାଙ୍କୁ ପୁରୁଷଙ୍କ କଥା ଶୁଭି ନ ଥାଏ। ଚାଇନାର ଚେନ୍ ନାମ୍ନୀ ଏହି ମହିଳା ଏପରି ରୋଗରେ ପୀଡ଼ିତ ଅଛନ୍ତି କି ତାଙ୍କୁ ପୁରୁଷଙ୍କ କଥା ଶୁଭୁନାହିଁ। ମହିଳାଙ୍କ କହିବା ଅନୁଯାୟୀ ରାତିରେ ତାଙ୍କ କାନରେ ଘଣ୍ଟି ବାଜିଲା ଭଳି ଏକ ଶବ୍ଦ ହୋଇ ବାନ୍ତି ହେବା ପରେ ତାଙ୍କୁ ଶୁଣିବାରେ ସମସ୍ୟା ହେଲା। ଡାକ୍ତରଙ୍କ ପରାମର୍ଶ ନେବା ପରେ ସେ ଲୋ ଫ୍ରିକୁଏନ୍ସ ଶବ୍ଦ ଶୁଣିପାରିବେନି ବୋଲି ଜାଣିବାକୁ ପାଇଥିଲେ। ପୁରୁଷଙ୍କ ସ୍ବର ଲୋ ଫ୍ରିକୁଏନ୍ସିର ହୋଇଥିବାରୁ ତାଙ୍କୁ ଶୁଭାଯାଉନାହିଁ।